المساعد الشخصي الرقمي

مشاهدة النسخة كاملة : اذا تزوجت صديقة حياتك واقرب وحده لقلبك



نووورعلى الدرب
25-03-2009, 01:04 PM
السلام عليكم ورحمه الله وبركاته

اهليين بنوتات كيفكووووووووووووون
الموضوع مبين من عنونه
طبعا لكل وحده منا صديقه حميمه وفي يوم من الايام راح تتزوج
خلينا نشوف شنو مشاعرنا وكيف نتخطى الاشاء السلبيه ونقوي الايجابي في ذالك
بعضهم راح تتضايق لانها بتفقد صديقتها وصياح وحاله
والبعض الاخر لا لديه مشاعر مختلطه رح وحزن ومتفهم وان صديقتها راح توجه مشاعرها الى الطريق السليم وحتى لو بكت لابد من ذالك


في انتظااااااااااااااااااار تفاعلكم ياحلوووووووووووووووووين:flowers::flowers::flowers:

فو1كه
25-03-2009, 01:20 PM
اممممممم
واللهي موضوع لزوز

انا تزوجت قبل صديقاتي
وصحيح ماني مثل الأول معهم
بس شسوي المسؤليات كثرت


يلا ودنا نشوف راي اللي صديقاتهم تزوجوا



تقبلي مروري البسيط ...

عناقْ
25-03-2009, 06:32 PM
آكيــد بــزعـل :( وبيــضيق خـــلقي .!!|

لــكن هذي سنتة الله وكلنـــا بنتزوج ..

رَواء
25-03-2009, 06:54 PM
عادي افرح لها وادعيلها من قلبي ان الله يوفقها ليش الانانية !!!!؟؟

مشكوورة على الموضوع

رماد الأندلس
26-03-2009, 12:30 AM
حدث معي هذا الشئ .. يعلم الله

فرحتي بزواجها ..

دعوت لها .. ولازلت ادعوا بالتوفيق يرافق

مسيرة حياتها ..

هيأت نفسي للتغير الذي

سيحدث لنا .. كنت أقول لنفسي

لن أتواصل معها كالسابق لأنها اصبحت مسؤوله عن بيت وزوج .!

وأرضى ولو برساله واحده منها في الشهر


لكــــــــــــــــــــن ..!!!!

مفكرة
26-03-2009, 01:10 AM
مشاعر مختلطة..

فرح و حزن..

بحزن لفقدها.. و اختلاف الحال عن أول..

و بفرح و أدعي لها..

إن ربي يعينها و يوفقها في حياتها الجديدة..

(=

هموم عسيريه
26-03-2009, 02:20 AM
بصراحه انا من تجربه وحده اخذت درس وصايره اي انسانه قريبه لي تتزوج ابتعد بهدوء من حياتها ولا اعاتبها ليه ماسالت اقوم بواجبي تجاها اسال عنها
وعن تجربه الوحده ببداية زواجها تنشغل بس اول مشكله تواجهها راح ترجع تدور علىصاحبتها
مشاعري وقتها حزينه لفراقها بس احاول اتغلب على حزني بان الحياة طبيعتها كذا
:139:

نور النهى
27-03-2009, 08:31 PM
مشاعر مختلطة..

فرح و حزن..

بحزن لفقدها.. و اختلاف الحال عن أول..

و بفرح و أدعي لها..

إن ربي يعينها و يوفقها في حياتها الجديدة..

(=


نفس الشيء (:

:

:flowers:

نووورعلى الدرب
27-03-2009, 09:44 PM
اشكركم على التفاعل الحلو

بدرالدجى
27-03-2009, 11:26 PM
بأدعــي لهـآ من كـــل قلبـــي

أن الله يوفقهـآ ويسعدهـآ ..

نووور يـآقلبـــي الله يعطيكــ العـآفيهــ ع الموضــوع : )

مجنونة عامر
27-03-2009, 11:29 PM
أكيد بفرح لها

وبالنسبه لي أناأول وحده تزوجت بين صديقات روحي

لكن وربي يعلم معزتهم بقلبي ومانسيتهم

وماينسيني إياهم أي شيء بالدنيا

صح بكينا وسوينا زحمه عشان بنفترق لكن الحمدلله ربي وفقهم وكل وحده ربي رزقها بزوج

وأسأل الله ييسر أمور حبيبتي ميدو ويوفقها دوووووم

ويرزق الباقي الذريه الصالحه

ولا يفرق بيننا أبد

وأقولهم فديت عسييييييييييير كلها

لأنهم فعلا ينحطوا ع الجرح يبرى وه ياحبي لهم


تسلمي ياعسل وربي يوفقك ويسعد قلبك يا نور ع الدرب وييسر كل أمورك ياقمر

خولة ؛
27-03-2009, 11:46 PM
.
مزيج مشاعرْ ..
الحزنْ رآح يغلبْ مشاعري ..
وهذا شي طبيعي ..!
إحساس بالرغمْ عنّا ..
يعني مو مسألة أنانية .. لا والله بالعكس ..
بفرح لها من جهة ثآنية وأظل أدعي لها وأسأل عنها .. وأكون معاها قلبا وقالبا ..
لكن لابدّ أن يعتري القلب الحزن ..


لاأنسى قبل كم شهرْ .. تزوجت صديقتي ..!

يآآآآه ماأنسى ذيك الأيآم خصوصا ذيك الليلة اللي تزوجتْ فيها ..
وكل مامر طيفها ع البآل .. دعيت لها من كل قلبي ..}

والحمد لله الحمد لله .. العلاقة لازالت وطيدة ..
وتأكدت أن الأخت الوفيّة مايشغلها أي كائن أو ظرف في الحياة عن أحبابها ..
يمكن أي وحدة تتزوج تقصّر شوي بحق صديقاتها ..
وأنا ماألوم أي وحدة تكون ردّة فعلها كذا ..
يعني لابد إلتماس الأعذآر ..


ألف شكر أخيتي نوور ..
أسعد الله قلبكِ ..
وجعل دربكِ محفوفا بالأنوارْ ..:141:


.

algalaa mooon
29-03-2009, 06:21 PM
شور راح ادعيلها انه ربي يوفقها في حياتها والسعاده تملأ دنياها

انا وحده من صحباتي تزوجت في الصيف طبعا هي عزيزه على قلبي مرررره

المهم طبعا هي مايحتاج تعزمني على زواجها لانها تعرفني انا مثل اختها ولا كماااان اكثر بس يوم الدبش حقها

عزمتني على بيتهم وبالمره توريني دبشها بس رحت عندها وشفت اغراضها وضحكنا واستانسنا

البنت تزوجت وحامل هالحين وتكمل معانا والله لو اقولكم علاقتي فيها زادت بعد الزواج ؟ لو تبغي تعرفي نور راح اقولك بعدين

بس وهذه وحده كمان من صحباتي بتزوج في شهر 5 عادي الوضع

بس يشغلني لبسي وهديتها و ووو خلاص لي باااااااااك

JoojoO~
31-03-2009, 10:25 PM
بفرح لها طبعا !!

لان اول كنت اقول اكيد راح يتغيرون وكذا وكذا

وبينشغلون

بس لما تزوجوا صديقاتناا مرا مراا ( صديقاتي انا وخواتي )

يعني كانت علاقتنا فيهم مراا قوويييه يعني اكثر من صديقات كانو لناا

كنا حتى سفر نسافر سواا <-- اخلصي علينا :seko:

المهم انهم بالعكس !!!!!!

راح تنصدمون لو اقولكم صرنا نشوفهم اكثر من لما كانو single

هههههه

وبسسسس

فا الحين ماصرت خايفه لما حد من صديقاتي يتزوج بكون عادي مرا
لان اللي بتنسى خليها تنسى وخلي الزواج ينفعهاا

شكراا

JoojoO~
31-03-2009, 10:27 PM
الغلا مون

اعتقد قصدك بكلمه يوم الدبش حقها يعني الملكه صح ؟؟؟

هههههههههه اول مرا اسمع هالكلمه مراا تضحك صرااحه