المساعد الشخصي الرقمي

مشاهدة النسخة كاملة : يابنات الجامعه سؤااااااااال لكم؟



D!mAh
13-09-2006, 04:12 PM
بنات اي وحده داخله الجامعه تكتب الاقسام اللي في جامعتها ووميزات كل قسم


لاني طالبه في ثالث علمي ومحتاره بالاقسام


ماادري وش ادخل؟؟

:(


وابي احد يقولي الاقسام عشان اعرف احدد وش القسم اللي بيعجبني








واكون شاكره لكم
وتكفون لاتقرون الموضوع وتطلعون ترا فيها
مستقبل شخص

تكفوووووون علموني

D!mAh
13-09-2006, 04:16 PM
ايه ونسيت اقول اذا فيه مستقبل للوظائف فيها وش الوظايف؟

نقطه
13-09-2006, 04:31 PM
<< للاسف بنت ثانوي : (


ان شاء الله البنات يساعدونك





:120:

: )

- جُـــنْـــد -
13-09-2006, 04:45 PM
عفواً ديمة . .

أنت ماذكرت بأي منطقة الله يحفظك ؟

D!mAh
14-09-2006, 12:38 AM
انا في الرياض و ابي اي شيء حلووو وتحسونه جديد
كل الاقسام حتى لو دراسات اكتبوه تكفون

لا تقولون اداره اعمال وديكوووووور


تكفون بنات ساعدوني
ماابي اتخرج ان شاء الله وانا ماادبر شي

لجين
14-09-2006, 01:17 AM
يا عزيزتي

لكل إنسان قدراته وإهتماماته وتفكيره
الذي يختلف عن غيره

من الصعب أن يحدد مصيرك شخص آخر يختلف عنك في الميول والرغبات !!

أرى أن تدخلي القسم اللي تحبينه وتحسين أنك بتعطين فيه أكثر
بغض النظر عن النظرة الإجتماعية أو الوظيفة أو رغبة الأهل والأصدقاء

أنتِ شخص له كيان مستقل !!

بالتوفيق

D!mAh
14-09-2006, 01:34 AM
انا مو هذا قصدي

انا ابي اعرف التخصصات والاقسام الموجوده
عشان اعرف اختار من بينهم لاني جاهله
في الجامعه ولا اعرف بنات في الجامعه الا قليل


وانا مو قصدي ان احد يحدد القسم اللي بادرسه
لاني انا اللي بدرسه وانا اللي احبه

بس قصدي مثلا تكتبون


كليه التربيه
مثلا كيمياء
فيزياء
رياضيات
اقتصاد.........


جامعه الملك سعود
اداره اعمال
ادب انجليزي
حاسب.........


هذا قصدي بس المشكله انا مو عارفه الاقسام ودخلت على موقع الجامعات اكتشفت اني
فاشله ولا عرفت ادخل اقسان البنات بس تطلع لي اقسام الاولاد

وانا عارفه انها تختلف

اتمنى انك فهمتي قصدي عقب كل هالبربره :)

ومشكورات لمروركم يابنوتات

- جُـــنْـــد -
14-09-2006, 07:54 AM
* *

جامعة الإمام

لها فرعين فرع في حي البطحاء

يضم قسم أصول الدين ، قسم الدعوة وقسم اللغة العربية

أما الفرع الآخر في حي الملز ويضم قسم اللغة الإنجليزية ، قسم الحاسب الآلي وقسم الشريعة وقسم المكتبات .

تطبق الجامعة نظام الساعات المطوّع بما يسمى نظام البانر

لأن المواد كثيرة في الجامعة فلا يمكن أن

تخضع لنظام الساعات فهم طوّعوا نظام الجامعة ليتوافق مع نظام الساعات ,, تمام . . ؟!

وبما أنها جامعة فطبيعي تطبق النظام الفصلي ( نظام الأترام ) . .

شي آخر حفظك الله قسم اللغة الانجليزية مدته أربع سنوات ويسبقها

دراسة دورة مكثفة لمدةفصل دراسي واحد إذا لم تجتز الطالبة النسبة المتوسطة

-- ونادراً من تجتاز هذه الدورة --

وقد تغيرت الآن خطة الدراسة في هذا القسم بحيث أصبحت

تدرس فيها مواد تربوية ودينية أكثر من السابق

وفي نظري تعتبر الدراسة في هذا القسم أسهل من الكليات الأخرى بالرياض . . : )

أما قسم الحاسب الآلي فمدته

أربع سنوات يسبقها سنة تحضيرية لمدة سنة واحدة تدرس فيها

الطالبه مواد إنجليزية ومواد علمية مثل الفيزياء والرياضيات لكن فيزياء ورياضيات على الطريقة الإنجليزية . . : )

أتمنى أكون أفدتك ديمة . . أي إستفسار ثاني أنا في الخدمة

موفقة ياغالية . . :134:

* *

D!mAh
14-09-2006, 09:27 PM
اها مشكوره عطيتيني معلومات كثيره


جامعه الامام مافيها الا هذي الاقسام؟
مافيها كيمياء فيزياء اقسام علميه غير الحاسب؟

لا مافيه استفسار

بس مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووره على توضيحك
والله يجزاك خير


بس ابي ردود باقي البنات عن جامعة الملك سعود؟

وفيه قسم جايز لي يقولون فاتح قريب اسمه فيزياء نوويه<<ناويه شر
جايز لي وداخل راسي بس ماادري فاي جامعه
وفيه تقنيه معلومات بس ماادري هو احد فروع تخصصات الحاسب
والا قسم لحاله؟


تكفون يابنات ساعدوني