المساعد الشخصي الرقمي

مشاهدة النسخة كاملة : رسالة من ( نــــــــــــــــورة ) !!؟



صانعة المآثر
02-09-2003, 03:55 PM
<font size="3"><font color="navy"><center>أخواتي الكريمات:

السلام عليكم ورحمة الله وبركاته

قبل عدة أعوام تقريباً.. حصل معي موقف طريف كانت بطلته أختي الصغيرة.. وكانت آنذاك بالصف الثاني أبتدائي..

كنت قايمة مبكرة عشان اروح للمدرسة.. وكانت أختي مسوية البارح ظجة بالبيت عشان ما تروح للمدرسة.. اهم شئ أنها ما راح تروح ..وقبل ما ألبس عباتي وأمشي.. إلا وأختي الحلوة تطل علي بكشتها الحلوة وعيونها الزينة :shock: .. وتمد لي ظرف صغنطوط .. وتقول وصلية لمريم صديقتي...

طبعاً انا ماني فاضية أقولها روحي غسلي وجهك.. على طول أخذتها ودسيتها بالشنطة ومشيت...

لمن رحت للمدرسة.. كانت عندنا حصة فاضين فيها.. ولما جيت ارتب كتبي لقيت الظرف.. وقلت لازم اشوف اختي وش عندها مو أنا أختها الكبيرة؟؟؟( امحق إلا ذابحتني اللقافة) وفعلا فتحت الظرف.. وأدور بوسطة.. إلا فية ورقة صغنطوطة ما ادري وش لون صفطتها صراحه.. طلّعتها وجلست أفتح فيها,, وأفتح.. ألين أنفتحت عقب الشين.. أول شئ قلته (جعلني مو ورقة عندس يا أختي :D ) المهم عدلت الرسالة.. وبسم الله بديت أقرى.....,,,,


<font color="orange">رسالة إلى مريم


ترى أنا وسهى وشوق مزاعلينك.. ولاتحاولين فينا أبد..عشانك كذابة وخراطة.. وتقولين لنا أن أمك مديرة مدرسة (......) وأكتشفت أنها فراشة يالخراطة.. لكن ياويلك من ربي ان شاء الله يحطك في النار ولا عاد يطلعك.
وانا ما امشي مع بنات كذابات.. وأحب اقولك.. ترى بنشتكيك عند المديرة عشانك تصرقين منا قلامة وبرايات.. ومحاية سهى لقينها في شنطتك يا صروقة..!!
أحسن لك رجعيها بكرة ولا وعدك عند المديرة..
ومع السلامة يا صروقة</font id="orange">


جلست أفرك عيوني زين أبي أصدق أن أختي هي اللي كاتبة هالحكي.. عجزت أصدق..ياناس أختي أمورة وحلوة وصغنونة مررررة.. وش لون يطلع منها هالحقد وهالكلام الشين.. صدق اللي قال( أحذرو من كان قريباً من الأرض :twisted: )..
والغريب أنها مسوية في الورقة (زوخريفة) مزخرفه ومزينة الورقه بالورود.. يعني مهما صار هالورود لازم يكون في الزوايا,,. على أيش ياحسرة..!! على هالكلام اللي يفشل...

المهم بعدها جلست أفكر.. اعطي الرسالة مريم ولا لا...؟؟؟
ياحرام البنية وش ذنبها تقرى هالكلام الوحش.. والله صقنونة ما تتحمل .. أمورة كنها وردة؟؟

المهم جلست أفكر.. وقررت ما أعطيها.. ولما ارجع راح اتفاهم مع أختي واللي يصير يصير...؟؟

فعلاً لمن رحت للبيت وخذيت لي غفوة (6) ساعات(معليش هذي غفوتي لا تستغربون!!)

قمت وأستدعيت أختي (مسوية تحقيق أنا ووجهي) وقلت راح اشوف وش عندها...!!
القصة طويله,, وخرابيط بزران تعبت وأنا اسمعها.. ولما خلصت.. القيت عليها درس عن الجنة.. والتضحيات.. والتسامح وحسن الظن...الخ

والله ولاحظت أختي تأثرت كثييير.. سبحان الله ماكو مثل الطفل سريع التأثر.. بس يحتاج حكمة وصبر...

المهم بعدها صرت أشوف اختي تمشي مع خويتها من بكرة.. والعلاقة ممتازة.. ولاكنه صار شئ والحمد لله...


تصدقون فرحت كثير.. وكأني مسوية أنجاز عظيم؟؟!!!


وفعلاً...


المفروض نفرح بشدة لهذا الأنجازات ولو كانت بسيطة مع الأطفال... فأحياناً كثيرة نتصادم مع أخطاء أبنائنا ونتسأل كيف وصلن لهذا الحد!!

بينما نحن مشغولون عنهم طوال السنة.. ونستعمل التغاظي في أخطائهم ونأخذها عن حسن نية وبرائة...


<font color="purple">أخواتي الكريمات..

ادعوكن لمتابعة ومعايشة حياة أخوتكن وأبنائكن عن قرب.. انهم بلا شك في حاجة ماسة لك.. نعم لك أيتها الأخت الكبيرة؟؟
صدقوني ما أجمل تلك اللحظات التي تلتقين فيها ببنات أقرابائك عن قرب.. وتتعايشين معهن أفكارهن.. وأمنياتهن وأبداعاتهن أيضاً.. ما أجمل تلك اللحظات التي تحفك فيها مشاعر الحنان والطفوله..

ما أجملها من ساعات.. وأنتي تلقين على أسماعهن آيات من القرآن الكريم وتطلبين منهن تفسيرها..مع الجوائز التحفيزية.. والمتواضعة.

ما أجمل تلك الكلمات الحانية التي تخرج من فمك وأنتي تذكرين أخواتك الصغيرات بضرورة الأحتشام باللباس الساتر والحياء...وترك الغيبة..النميمة..الكذب..وضرورة طاعة الوالدين.


أسأل الله العظيم أن يتقبل منا ومنكم..


وجزاكم الله خيرا</font id="purple">



http://justdream77.jeeran.com/ppp.jpg
http://www.almeer.net/1_gir.gif

<font color="navy"><font size="2"> تصفحت سجل الحياة فلم أجد اجمل من شيئين: (<font color="red">طاعة الله</font id="red">) و (<font color="orange">أختً أحبها في الله</font id="orange"></font id="size2"></font id="navy">
http://al6ef.jeeran.com/1.gif</center></font id="navy"></font id="size3">

أستغفر الله وأتوب اليه
02-09-2003, 10:56 PM
<font color="red"><center>هههههههههههههههه


من جد أختك خفيفة دم

الظاهر عليك :wink:


بس كله كوم .. ومحاية سهى المصروقه


يا حبيلهم هالبزران


.. وذكرتينا بالذي مضى :o



وفقك الله .. يالغاليه</center></font id="red">


<font color="teal"><font size="2"><center>

****************************

أستغفر الله العظيـــــــــم التواب الرحيــــم

لذنبــي وللمسلمين والمسلمات والمؤمنين والمؤمنات

الأحيـــاء منهم والأموات الى يـــــــوم الدين

</center></font id="size2"></font id="teal">




<font color="blue"><center>http://s3non.jeeran.com/المستغفره.jpg

أهداء من الأخت الغاليـــــه

بنت التــوحيد

وأسأل الله أن يجمعنا في جنة عرضها السموات والأرض
اللهم آمين</center></font id="blue">

<div align="right">http://al6ef.jeeran.com/1.gif</div id="right">

مريومه
02-09-2003, 11:24 PM
<font color="red"><font size="4"><center><font face="Times New Roman">
:D
:D
:D
:D

ياحبيلها أختك :D هههههههه

ضحكتيني ياصنوووعه ...

أما محاية سهى :1: .....

جزاك الله خيرا ياصنوعه وسعتي صدري الله يوسع صدرك بالعواافي ...

وفقك الله أينما حللت ...

بوسي لي أختك :X والله حبيتها :X يازيييين الصغينونين :wink:

الله يحفظها لكم :wink:
</font id="Times New Roman"></center></font id="size4"></font id="red">

<center>:X مُحبتك في الله :X
http://redroses.jeeran.com/Untitled-31%20copy.jpg</center>

سراب الأمل
03-09-2003, 12:02 AM
السلام عليكم ورحمة الله وبركاته

ههههههههههههههههههههههههههههههههههههه

الله يقطع ابليسك صنووووعة ،،

ماشاء الله تبارك الله على أختك تعرف تعبر ههههههههههههههههههههه

الله يخليها لكم إن شاء الله ،،،،،،،،،،،

لكن فعلا الطفل بسرعة يتأثر باللي حوله وعلشان كذا

المفروض نقعد معهم كل يوم ولو لمدة ساعة نعلمهم تعاليم

ديننا الإسلامي ،،،،،،،،،،

بارك الله فيك صنووووعة ،،

على فكرة وش هو الشيء الضروري اللي كنت تبغيني فيه ذيك المره؟؟؟؟؟؟؟؟؟

مُحبتك في الله

<center>http://www.al-wed.com/pic-vb/152.gif
http://www.angelfire.com/alt/al7alim/srab.jpg
توقيعي من الغالية عبر الأثير،،،،</center>

واحة الأنس
03-09-2003, 12:43 AM
يا حليل ذا البزارين ..
والله اني اذا جلست مع أخواتي الصغار اني
أستانس بسواليفهم حقت المدرسة ...
لا أوصيكم اقعدوا معهم إذا كانت أمهم مشغوله عنهم أو كبيرة في السن تراهم يبون أحد يجلس معهم ويسولف لهم ...
خلوهم يثقون فيكم ويعطونكم أسرارهم ترى ما بتندمون ...
والله يعطونكم أسراررررر .... وأنا مجربه ....

همس الغلا
03-09-2003, 01:31 AM
http://www.al-wed.com/pic-vb/128.gif
<font color="black">ياويييييلييييي تزنن :X:X
ياحبيلها هي والصغااااااار :D
<<<<< تموت بالاطفال :wink:
واحسنتي الصنع :wink: </font id="black">
http://www.al-wed.com/pic-vb/128.gif
http://ba7ree.jeeran.com/dd.jpg

أم إسماعيل
03-09-2003, 09:23 AM
<font color="purple"><font size="3"><font face="Arial Black"><center> وعليكم السلام ورحمة الله وبركاته

ماأروع إحتواء الأخت أختها الصغيرة ..لتجعلها دائما على شاطئ الأخلاق والأمان

صانعة المآثر الغالية

جزاك ربي جنة عرضها السماوات والأرض</center></font id="Arial Black"></font id="size3"></font id="purple">

<center>http://noor55.jeeran.com/m3skar.jpg</center>


<center>http://w5s.com/banotah/omesma3eel.gif</center>

<center>اللهم حرم يد رفيقة دربي على النار وارزقها الفردوس الأعلى </center>

نجمةالكون
03-09-2003, 10:10 AM
<url>http://www.al-wed.com/pic-vb/19.gif

بنت التوحيد
03-09-2003, 12:54 PM
ياسلااااااااااااااااااام


فعلا رووووووووووعه وطرييييييفه

الظاهر ان عندك اسلوب قصصي وحنا ماندري



http://www.almeer.net/1_gir.gif


http://s3non.jeeran.com/بنت%20التوحيد.jpg

نقطه
09-08-2005, 01:46 PM
صراحه عجبني الموضوع وحسيت انه مفيد عشان كذا حبيت ارفعه :mrgreen:

زورق الأمل
09-08-2005, 08:07 PM
خخخخخخخخخخ

يا حبي لها أختك

نوني ومولي
09-08-2005, 10:10 PM
وعليكم السلام ....



ترى بنشتكيك عند المديرة عشانك تصرقين منا قلامة وبرايات.. ومحاية سهى لقينها في شنطتك يا صروقة..!!


http://www.asmilies.com/smiliespic/psmilie/049.gif (http://www.asmilies.com)

حلللللللللللللللللوه ...

( : LeEeNa
09-08-2005, 10:24 PM
مرررررررررررة حلوووة صانعة المآثر,

ومشكوورة نقيطة على الرفع.. :wink:

نقطه
09-08-2005, 11:48 PM
العفو

daloOolah
10-08-2005, 05:40 AM
يسلمووووووو صنوعه

* ليمونه *
10-08-2005, 01:26 PM
ياحليله اختك
بوسيلي ايها
مشكوووووووره صانعه
وليمونه على الرفع
:P :P :P
:mrgreen: :mrgreen:
:D

نور النهى
10-08-2005, 02:07 PM
يا حليلها ..والله رهييييبه .. :رهيب:

أما الصغار عليهم حركااااات ..

أختي نفس الشيء في ثاني أبتدائي ومجمعه لها ((شلة)) :54

والله تشوفونهم تقولون عصــابه (خطط .. تنفيذ .. وحركات غريبه ..وزاعلوا هذي وصاحبوا هذيك ) وكل يوم جايبه لي قصة ياحبي لها ..

يا حليلنا حنا يوم كنا كبرهم ما كنا نسوي زيهم ..

مشكورة أختي / صانعة المآثر

والله يخليها لكــم ..

مشكورة (نقطه ) على الرفع ..



أختكـ / نور النهى

أنفاس الصباح
10-08-2005, 03:27 PM
ما شاء الله ياحظكم عندكم أخوات صغار ....


أنا أموت في الصغار ....


يا حبي لها أختك شكلها تهبل ..


تأجرينها لي يومين بس >>>>>>>>>>>>> :D :D

:mrgreen: :D