المساعد الشخصي الرقمي

مشاهدة النسخة كاملة : اذا كنت تفهمين بلغة السي للبرمجه ادخلي............بسرعه



همس الاخوه
18-03-2004, 07:32 PM
السلام عليكم ............
ابي مساعده في بعض الاسئله :?: :?: :?: :!: :!: :!:
عن لغة السي للبرمجه لان عندي اسئله عجزت عن حلها :( :(
اللي عندها خبره بهذه اللغه لا تبخل علينا :wink: :wink:
تراني انتظر الرد عشان ابدا بالاسئله....... :arrow: :arrow:

tag
18-03-2004, 09:27 PM
انا ما اعرف ... بس اعرف ناس تعرف

عادي؟

الابتسامه
19-03-2004, 12:03 AM
أنا دارسه كورس سي وكورس سي بلس بلس
إن شالله أقدر أجاوب

همس الاخوه
19-03-2004, 12:08 AM
الحمد لله في أحد عطاني وجه ورد علي

مشكوره يا tag لكن شلون اكتب الاسئله بتفيديني
ولا بس كذا رديتي علي مجامله :(( :(( لازم يكون الحل قبل يوم السبت عندي

ردي علي ترى استناك الى بكره احط الاسئله ولا لا...

لاني حاولت فيها بس للاسف ماعرفت الحل الصح

واللي ممكن تفيدني لا تبخل علي على الأقل ممكن تساعدني بأنها تقول لي
الدوال الي ممكن استخدمها في الاسئله.......

همس الاخوه
19-03-2004, 12:20 AM
السلام عليكم اختي الابتسامه والله فرحت لما شفت ردك علي
الله يسعدك دنيا واخره................

وهذي الاسئله...واذا ما فهمتيها انا اشرحها اكثر ok
السؤال الاول: اكتبي برنامج بلغة السي يقرأ رقمين ويطبع جميع الأعداد الأوليه(prime ) التي بينها.......




السؤال الثاني:.
اكتبي برنامج يقرأ رقم من نوع (integer) ويختبر اذا كان الرقم يقبل القسمه على 9.أو لا.....الى حد هنا سهل .لكن فيه شرط ثاني .. ان يكون مجموع الرقم أيضاً يقبل القسمه على 9....
هذا مثال لتوضيح السؤال أكثر...
اذا دخل ( user) الرقم 2907..أول شرط ان الرقم يقبل القسمه على 9
يعني باقي القسمه =صفر"هذا سهل" لكن المهم الشرط الثاني"
ثاني شرط...ان يكون مجموع الرقم يقبل القسمه على 9 يعني 2+9+0+7=18 بالتالي مجموعهم 18 يقبل القسمه على 9
(ان شاءالله يكون كذا واضح)....لا يستخدم في هذا السؤال المصفوفات.




السؤال الثالث: المطلوب كتابة برنامج باستخدام for يقرأ رقم ويطبع التمثيل الثنائي له يعني(pinary) لهذا الرقم..........


على فكره انا حاولت لكن ماقدرت احله صح

tag
19-03-2004, 02:55 AM
هذي الاسئله تشبه الفيجوال نت اللي درسته

بس على العموم انشاءالله بتجاوبك الابتسامه عليها

الابتسامه
19-03-2004, 06:13 PM
هههههااااااااااااي عرفت أنتي في جامعة الملك سعود مستوى ثاني :mrgreen:
كلكم قاعدين تحلون هذا الشيت :lol:
عسى مهوب تسليمك بكره

المهم
السؤال الأول:
- تقرين أول رقم وتخلينه في متغير إكس وتقرين الرقم الثاني وتخلينه في متغير واي .
- تقارنين بين إكس وواي إذا كان إذا كانو متساوين ينتهي البرنامج وإذا الإكس أقل من الواي يكمل النقطه اللي بعدها.
- يقسم الإكس على أثنين إذا كان فيه باقي يطبع الإكس.


*على فكره ترى ممكن تدخلين الرقم الأول أصغر من الرقم الثاني مثلا : 10 1
هذي الحاله البرنامج ما يتفاهم معها تبين نخليه يتفاهم قوليلي ونسويها بس أنا من باب التسهيل قلت أخلي البرنامج كذا بس إذا فهمتي كلامي توسعنا .
يارب تفهمين علي

السؤال الثاني:
* أولا أنتي ما كملتي السؤال هو وش لازم يسوي بعد هذولي الإختبارين بس أنا سألت وعرفت قالو لازم يطبع أن هذا الرقم يقبل القسمه على تسعه لأن مجموعه يقبل القسمه على تسعه.
نبدأ الحل:
- إذا كان الرقم يقبل القسمة على 9 ضعي متغير إكس يساوي واحد.
- إذا كان المجموع يقبل القسمة على 9 ضعي واي يساوي واحد.
- ضعي شرط إذا كان إكس يساوي واحد وواي يساوي واحد يطبع الرساله .


السؤال الثالث :
- أقري الرقم .
- أقسميه على أثنين واطبعي الباقي.

همس الاخوه
19-03-2004, 11:31 PM
كفشتيني هاااااااااااااااه
حتى انا كفشتك وشكلك مستوى سابع فما فوق .....على بالك انتي بس كفشتيني :wink: :wink: :mrgreen: :mrgreen:

المهم نجي للزبده.... :shock: :shock: :shock:
يا حلوه اللي قلتيه في السؤال الاول الفقره الاولى والثانيه صح
لكن الفقره الثالثه مو هذا اللي ابيه ....انا ما ابيه يطبع لا اكس ولا واي
ابيه يطبع الأعداد الاوليه اللي بين اكس و واي<<<<<<<<< فهمتي وش قصدي
يعني احتاج الى loop
وبعدين ما يفديني اني اقسم على 2 ...مثلا العدد 9 لو قسمناه على 2 يطلع فيه باقي
مع كذا 9 عدد غير أولي

ويا حبذا لو قلتي اذا كان الرقم الاول اصغر من الثاني وش اسوي
السؤال الثاني كيف اكتب الشرط عشان المجموع
مثلا : 23409 ايش الشرط الي اكتبه عشان يجمع لي 2
وبعدين يجمع لي 3 و4 و0 و9 انا هذا اللي ابيه
انا فكرت اني كل مره اقسم على10 واخذ العدد الصحيح واخزنه في متغير اكس
وبعدين اخذ الباقي واقسمه على 10 واجمعه مع المتغير اكس وتكرر هذي العمليه
لكن ما ادري ايش الشرط اللي احطه عشان يوقف loop


والسؤال الثالث ...حلو بس ايش القيمه الابتدائيه الي احطها


على فكره تسليم الشيت مو بكره

اسأل الله ان يرفع لك منزلتك في كل حرف درجه.......آآآآآمين

روائع الأسحار
20-03-2004, 01:46 AM
السلام عليكم ورحمة الله وبركاته ..

حياكِ الله عزيزتي ..
دااااخلة عرض وطول كمان ..

شوفي عزيزتي ..
بالنسبة للسؤال الأول ..
زي ما قالت الابتسامة تخزنين كل رقم في متغير
وبعدين تقارنين بين الرقمين عشان تعرفي مين الأكبر ومين الأصغر
بعد كذا تسوي for loop من العدد الأصغر إلى الأكبر
وتشوفي كل عدد هل هو أولي أم لا
إذا كان أولي تطبعيه

والسؤال الثاني ..
زي ماقلتي تقسمين على 10
بس حطيها داخل while وخلي الشرط أنها تستمر طالما ناتج القسمة لايساوي 0
يعني تكتبي
( while (n/10 !=0
أو إذا كان بجملة for تحطين داخلها if إذا كان ناتج القسمة يساوي الصفر يوقف
شايفة كيف
بس تعالي ما تحطين في الاكس العدد الصحيح لا المفروض تحطين باقي القسمة
في الاكس يعني باعطيك مثال
هذا الرقم 4098 خلاص
إذا قسمته أول مرة على 10 يطلع 409
طبعا بيطلع لك بس الصحيح فإنتي خذي الباقي يعني تكتبين n%10
وبعدين راح تاخذين الناتج 409 وتقسميه وهكذا

والسؤال الثالث ..
مثلا الرقم اللي دخلتيه هو a
تعرفي متغيرين واحد اسمه n لباقي القسمة والثاني m للصحيح
وتخلين m=a/2 وال n=a%2 تمام
وبعدين تسووين لوب while ويكون الشرط أن الm لاتساوي الصفر
وداخل اللوب تخلين n=m%2 وتخلين ال m=m/2
وتعرفين الباقي أتوقع ...
وإن شاء الله تكوني استفدتِ

طيف الأمل
20-03-2004, 03:19 AM
الابتسامة وروائع الأسحار

مشكورين على هالدرس :wink:

مع اني مااعرف هاللغة

بس حلوه كفشة همس :8

:wink:

المهم

امتداد لرد الابتسامة الأول
ياليت نبذة مختصرة (ومبسطة :oops: :lol: ) عن الفرق بين السي والسي بلس؟؟؟

الابتسامه
21-03-2004, 12:32 AM
هههههااااااااااااي ما كشفتيني أبد
انا متخرجه من الصيف
طيب تسليمك متى؟ يوم الثلاثاء؟


المهم

السؤال الأول :
- ضعي متغير زد يساوي نفس العدد اللي بتختبرينه أولي ولا لأ
- دخلي العددين اللي بتختبرينه و الزد في لوب (وخلي الزد كل مره يدخل الوب ينقص واحد إلى ما يوصل واحد)
- بعدين أقسمي العدد اللي بتختبرينه على الزد
- ضعي كاونتر يزيد بواحد كل ما كان باقي القسمة يساوي صفر
- بعد ما تطلعين من الوب إذا كان الكاونتر يساوي 2 فهو ما قبل القسمه إلا على نفسه والواحد ، إذن فهو أولي ، صح؟


والباقي أعتقد أن روائع الأسحار كفت ووفت الله يجزاها الجنه وأي شي يشكل عليك يا همس الأخوه ترانا بالخدمه لا تبخلين علينا بالسؤال

وان شالله ياطيف الأمل أنزل موضوع عن هذا الشي

همس الاخوه
21-03-2004, 06:27 PM
السلام عليكم
يا حبي لكم ..تصدقون اني ما توقعت انكم تتفاعلون معي لهدرجه
صدق والله مالها الا بنات لها........

روائع الاسحار .....والابتسامه >>>>>>>>>ما قصرتوا والله
عالعموم اي خدمه تبونها مني خاصة في السي لا يردكم الا لسانكم(اقصد ايدكم) :oops: :oops: :oops: :oops:
تعرفوني مره فاهمه فيها ....... :shock: :shock: :shock:




مره ثانيه ......يا حبــــــــــــــــــــــــــــــــــــــــــــــي لكم...

الابتسامه
21-03-2004, 11:38 PM
خلي يا حبيلنا ما ياحبيلنا
أهم شي أنحل الشيت ولا لأ ؟
البرامج الثلاثة ضبطت ولا لأ ؟

همس الاخوه
23-03-2004, 12:06 AM
السؤال الثاني والثالث طلع معاي صح
اما السؤال الثاني ...سويت زي ما قلتي لي
لكن ما طلع صح مع ان طريقتك صح ...فيه خطأ بسيط ما امداني اصححه لاني ما قرأت ردك
إلا الفجر..وسلمت الشيت بدري قلت يطلع فيه خطأ بسيط احسن من اني انقص
درجه عالتأخير......


مره ثانيه ياحبي لكم

~ ضي الدنــا ~
27-03-2004, 06:02 PM
السلام عليكم ورحمة الله وبركاته
بالنسبة لسؤال طيف الفرق بين السي والسي بلس::<<<وحده تبي تفلسف
السي بلس هي نفس السي ولكن طوروها
يعني اللي يستخدم في السي يستخدم في السي بلس :-)

وطبعا الحين اللي يشتغلون عليه المبرجين هو السي بلس لانها اكثر مرونه وتطور
ولكن عندنا في الجامعه يدرسوننا السي عشان يصير زي المقدمه للسي بلس(اساسيات يعني)
>>>>>>>ان شالله عرفتي الفرق بينهم ؟؟؟ :roll: :roll:

مبتكرة1423
27-03-2004, 11:49 PM
[align=left:d61c65310e]سلاااااااااااااااااااااااااام


معليش بحط اللي عندي و أعرفة والباقي على ربع العالمين

السؤال الثالث

بحط حله الصحيح مررررررره

#include<iostream.h>
#include(string.h>
void main (void)
{
int bin[32];
int i,n,x;
cout<<"enter ta a he number\n";
cin>>n;
if(n>0)
(
for(i=0;i<32;i++ )
{
if(n! =1)
{
bin[i] =%2;
n= n/2;
}
else
{
bin[i]=1;
break;
}
}
for(x=i;x>=0;x--_cout<<bin[x];
}
}[/align:d61c65310e]

مبتكرة1423
28-03-2004, 12:04 AM
هلاااااااااااااااااااااااا خواتي


أنا رديت على الأسئلة بدون ما أشوف الحلووووول

و آسفه إن الحل طلع مشقلب بس ترااااااه شغال و رتبي الأقواس و الفواصل



أما السؤال الأول حق المقسوم فهو سهل بس بكتبه الحل لأني ما روقت و أنسخه لك

بس حطي متغير و بعدين شرط الfor و البااااااقي :shock: خلاااص اكتبه بعد ما احله :lol: