المساعد الشخصي الرقمي

مشاهدة النسخة كاملة : تقول : إنو / وتقول : فججججأة ؟



ريـمـا
11-11-2009, 08:07 AM
السلام عليكم ورحمة الله وبركاته .

ما أعرف أقدِّم أبد بس شوفوا /


في شي صاير غريب ، العيال متغيرين بقوة بقوة ،
أقول لكم السالفة ، أخوي صجّنا اخطبوا لي ، يقول هالكلمة ع الطالعة والنازلة
وهو ماعنده سالفة كل ماقلنا وحدة ويحس الموضوع جد ، هوّن !
مو هنا الموضوع ، الموضوع إنه في آخر محاولة ، جيت قلت له طيب وش رايك أخطب لك وحدة من صحباتي ،

تدرون وش أوّل سؤال سأله ؟
سألني / البنت تقول : إنو ؟ :seko:
تقول : فجججأة ؟ " ونطقها بتفخيم الألف "

أنا تنّحت ، البنت كانت صدق تقول كذا ، قلت / ايييه:مبروك: أحسبه بيستانس !
قال : لاااااااا أكرههم ، أكره السخيفات الدلوعات
شوفوا تخطبون لي دلوعة ما أقعد معها
قام أخوي الثاني ، قال وعععع ، اللي تخطب لي دلوعة بدعي عليها !
الدلوعة نصابة تحكي كذا ثمن لاجت هوشة قامت "تساتسي :seko: "
والله لا أكره دلعها وماعاد أبيه ، خلها على طبيعتها أحسن !
ثم جعل المحروس الكبير يردد : أكره الدلوعين ! أكره الدلوعين !

تفاجأت بصراحة أحسب الرجال يحبون الدلوعة ، قمت أبحث وأتقصى طلعوا شلة هاليومين اللي توهم طالعين مابعد تزوجوا مايواطنون اللي كذا ، سألت كثييير وطلع الأغلب على هالشكل !




مايُستفاد من الموضوع /
1 _ صحيح إنّا على المستوى الأنثوي إذا قابلنا بنت وقامت تدلع ودنا نكرب حنوكها ونسكتها ، لكن هل تتوقعون إن الرجال مثلنا ؟
2 _ اللحين إذا ماتدلعت البنت على الشسمه أجل تدلّع على مين :50h:
3 _ اسألوا العيال اللي عندكم وعلمونا النتايج ، كود نغيّر أساليبنا :smilie (10):
4 _ جميع ماسبق .

أقــــدار
11-11-2009, 08:13 AM
صباح الخير ريمــا :141:

حتى أنا ماأحب الدلوعات :117:
, وبررب بسأل أخوي إذا جا من المدرسة :seko:

أقــــدار
11-11-2009, 08:13 AM
مكرر

ريـمـا
11-11-2009, 08:16 AM
هلا صباح الخيرات أقدار :141:


أنتظرك بعد الـ برب = )

آلاء هاشم
11-11-2009, 08:48 AM
أول شي؛
زمان عنك ريما =")

تاني شي أنواع إللي انفجعت لما شفت عنوان الموضوع! والله العظيم إنو أنا مو دلوعة وكلامي مرة جاد، بس يختي أقول إنو وأقول فجأة! أقولهم بجدية :131:

آمم..
وحكاية الشباب هادي فمرة صح! وضيفي عليها كمان إنو الشاب حتى لو كان مو ملتزم ومن جنبها، تلاقيه يبغى وحدة أكثر التزام منه!

إجابة ع أسئلتك:

1- إيوا الرجال زينا! ما يحبوا الدلع "المصطنع"! الشي إللي يجي عفوي ويخلينا نحنا نقول: يا حليلها أتوقع هو نفسه إللي يعجبهم ! =)

2- هههه، آمم..تتدلع ع أبوها < :seko: لا من جد بس يختي مو لازم تتدلع! ومو لازم الدلع يكون بالألفاظ! ما نقول تصير "دفشة"، بس لا تزودها! و..تعرفي شي؟! أحس الوحدة تدلّع نفسها لما تكافئ نفسها بخرجة حلوة، أو هدية حلوة! =)

3- بسأل أخواني وبرجع ^^" <<ما تقلّد أقدار :131:

4- الملخص: جميع ما سبق :p

ريـمـا
11-11-2009, 09:01 AM
أهلاً أهلاً آلاء .
لك وحشة ،

أنا أقول فجأة وأقول : إنو > بس هذي بطّلتها أزعجتني وحدة فيها وصرت ما أهضمها .
ايي يختي من الحجز غير تنفع لكم والله

ع الطاري تعرفين الـ "تس" النجدية اللي يستبدلون فيها الـ "ك"
دخلت مرا في المجلس وحدة تحسب إنها أكشخ شي تدرين وش تقول ؟
تقول : كيفـ"ـتس" :117: بدال ماتقول : كيفك > بمعنى " شخبارك "
مايصلح مايصلح ..
مايُستفاد : إنه بعض الكلام ع الحجز غير ويصلح لهم = )

ريـمـا
11-11-2009, 09:03 AM
رؤى :141:

أحلى تقييم والـ " إنو " معاه تطلع شي :117:

نووورعلى الدرب
11-11-2009, 09:09 AM
ريما نوووووووووووووووووووووووووووووووووور أنفاس بك

ينفع اسأل متزوج ومعيل ؟

ريـمـا
11-11-2009, 09:12 AM
هلا شعلة يسعد قلبك = )
اسألي اسألي :141:

نووورعلى الدرب
11-11-2009, 09:12 AM
لك تقيم واحلى نجمات

ريـمـا
11-11-2009, 09:15 AM
ماتقصرين يالحبيبة = )

نووورعلى الدرب
11-11-2009, 09:23 AM
ماودك ياريما يكون موضوعك ضمن مسابقه لنرتقي

رؤى.
11-11-2009, 09:25 AM
صــــــبـــــــــــــاح الخــــــــييير



بصراحة شوفي فيه فرق بين الدلع والأنوثة..

الأنوثه شيء تشعرين به في البنت وما تشوفينه
وهو شي فاتن للرجل لأنه يشعره بضعفها عنده ..

أما الدلع ..فهو تمييع في الكلام ..و وقلة سنع ما تعرف حتى تسلق بيضه أو تصلح كاس شاهي
___فأحس __أن أغلب الشباب ما يحبون هانوع من الدلوعات لأنهم يحسون أنهن مهوب قد المسؤلية خاصة لما تلعب في شعرها وهي تتكلم وياربه وش أسوي والرجاجيل مالين المجلس
أحس وده ذيك الساعة يفعصها فعص

رؤى.
11-11-2009, 09:30 AM
::*::كاتبه الرد مع التقييم بس نسسيت أعتمده ::*::
هههه

ديـــــــم
11-11-2009, 01:24 PM
يا حلو الحريم إذا خافوا على مستقبلهم ..


يبدعووون :seko:

الدلع الطبيعي حلو بس المتصنع يحوم الكبد ..!!

أتوقع عند الحريم والرجال ..

طيب ريما عطيني مقدمة .. ما ينفع أطب كذا بالموضوع .. ما قد سألت إخواني في هالمواضيع..:117:

>> طيب شوفي اخوانك عن اللي تقول ماما.. :117:

Lo0o0oly
11-11-2009, 01:50 PM
انآ أقول إنو : | , وصديقآتي يتطنزون علي ,

والله مآ أتعمد , تطلع غصب عشآني دآيمن أقول لإنو << بمعنى لأنهـ ,

بس صدق أكرهـ اللي يتعمدون الدلع , يآ ربيييييي أكرههم , مآ يليق على الوآحد يسوي أي شيء مو من طبيعتهـ ,

ريمآ :141:

يعطيكـ العآفية على الموضوع الرآآآئع ,

لكـ تقييم

موجة أمل
11-11-2009, 02:16 PM
اكره شيء في الحياة الدلوعات )=

مااحبهم ابدا ,, احسها إنسانه فاااضية ,,وماتعرف تتدبر شيء )=

بس احس فيه ناس تعجبهم البنت الدلوعة !! ويحاولون يتقربون منها ويحسونها مميزة ورزة !!

طبعا اقصد الحريم مو الشباب (=

واللي مثلي بسيطة وعلى طبيعتها ماتعجبهم !! اما اللي تتدلع وترز روحها تلفت إنتباه الناس وتعجبهم !!

اما عن الرجال مدري صراحة

شكرا ريما ()

عناقْ
11-11-2009, 02:30 PM
يـوٍوًٍه تح‘ــطمت :(((

آنـٍـٍـٍآ آقول / إنـوٍ وٍوٍ فج‘ـج‘ـأه \ بس وآلله مو تصنــع [ دلـــع ] :33h:
والدلوع‘ــآت هذي سـآلفه لح‘ـآلهـآ ..

يسسـلمو ..

رَوْح
11-11-2009, 02:54 PM
مش مصدأة عيني .. ريما ومنزلة موضوع بأنفاس .. :smilie:

الحمد لله أنا مو دلوعة أبد .. كلامي عااادي جداً جداً .. أقول فجأة بس عادي مو دلع .. يمكن لأني أقول فجأتن :seko:


1 _ صحيح إنّا على المستوى الأنثوي إذا قابلنا بنت وقامت تدلع ودنا نكرب حنوكها ونسكتها ، لكن هل تتوقعون إن الرجال مثلنا ؟
ريما ههههههههه، ذكرتيني بوحده آي يا بطني :seko: هي يقال لها دلوعة < بس مو دلوعة دلوعة صدقية لا كذبية .. صح الدلوعين إذا جو يقولون آلو يرققون اللام هي لا تفخمها < يا ربيه جالسة أنطقها ودي أسجل صوتي وأنزله دليل :112: المهم .. وإذا جت تقول كيفك؟ صح الدلوعين يرققون الكاف بالنهاية هي لا تقول كيفـ "إك" .. تحسين إلا غصب تطلع الكاف .. يختي تكلمي بـ السين وريحي نفسك :smilie (4):.. وشو له زحمة وحركات .. المهم أنا وبما إني أحب أمسك كلام على أحد وأعلق عليه هع .. كنّا بنطلب من البقالة .. وكتبت طلبي لها وهي اللي بتتصل عاد هي تبي آيس كريم أبو نصف .. مسكينة قالت .. آلو < لام مفخخة .. فيه آيس كريم أبو نُصص < الصاد مراااااااا فخمتها :smilie (5): أنا هههههههههه أوص تكفين تكفين لا عاد تدلعين ههههههههه ..
نرجع للموضوع .. إخواني مرا يسمعون وحده من خواتي دايم تسوي نفسها دلوعة وهي تكلم صديقتها وكلهم يعلقون عليها ويضحكون ويوم سكرت قالوا لو تكلمين كذا مرا ثانية صفقناك :smilie (60):
أساساً طبيعي الولد جفس جداً ما ينفع تجين تدلّعين قدامه ..


2 _ اللحين إذا ماتدلعت البنت على الشسمه أجل تدلّع على مين
موب لازم تتدلع وإلا على ما قالت آلاء تدلع على أبوها .. بس الأبو اللي يتحمل :seko: وإلا الباقين بيشوتونك أنتِ ودلعك وإذا أبوك ما يمشي عليه الدلع عاد ... ><


3 _ اسألوا العيال اللي عندكم وعلمونا النتايج ، كود نغيّر أساليبنا
إخواني من دون سؤال .. ما شاء الله رقيقين :33h: ويحبون الدلوعين مرا :33h: وهـ الله لا يخلينا :seko:


أهم شيء ريما لا تدلعين على الشسمه أبد :smilie (27):
وتعالي بأنفاس دايم امسكي مكاني بمواضيعي الـ فرفوشية < روحي منّاك .. لين أجي ..
:33h:

دفء البحر
11-11-2009, 03:13 PM
السالفة وما فيها إنو أنا ماني دلوعة

بس فجججأة "انطقوها بتفخيم الألف " صرت دلوعة <<ماتطبق درس الدلع هع :117:

لالا لا تصدقون أمزح :131:

ماااااااااأحب الدلع والدلعوات اللي يتصنعون الدلع ياشينهم :smilie (61):

ودي أحشرهم في الزاوية وأصفقهم وحدة وحدة :p

أم الدلع اللي بطبيعة الوحدة فهذا عادي

أذكر وحدة أيام الثنوي كانت إذا استحت تحط يدينها في بعض وتتمايل يمين يسار

ياهذي كنت أضحك من قلبي عليها :smilie (51):

بس ماقد حسيتها شينه يمكن تحسون الحركة سخيفة

وماتصلح تسويها وحدة في الثنوي بس لو شفتوها ماراح تستسخفوها

لأنها من طبيعتها ولايق عليها لأن ملامحها طفولية

أما سالفة أن الرجال مايحبون الدلع فهذي معلومة جديدة :مبروك:

ممكن إن كان قصدهم في الدلع إنها ماتعرف تأدي الواجبات و المسؤليات اللي في البيت

فهذا شيء أكيد إنهم مايحبون هذا الطبع


وسلامتكم
:smilie (62):

البسمة الفضية
11-11-2009, 03:18 PM
اهلاً اهلاً ريما من زمان عنك يا وحشه وحشتيـــــــــنا :141:
تصدقين انا كنت اول ما اقول لأنو لكن احيانا صرت اتكلم حجازي كذا استهبل بعدين مسكت معي كلمة لأنو :131:
و ولد خالتي اذا قالت له خالتي نخطب لك يقول لاااااااااع يععع ما احب البنات البنات مدلعين ودلوعات وما احبهم :seko:
وحتى خواتي دايم اختي الصغيره لا قالت (ماما) يقعدون يتطنزون عليها يقولون (وش ماما انتِ بعد قولي يمه بلاااااااا دلع) :117:
واكررررررررررره ما عندهم لا جو خواتي الصغار يتدلعون عن امي (يمه شوفي فلانه ضربتني) وترمي نفسها على امي خلااااااااااص هم هنااا يشبووون ناااار ما يتحملون لازم يهزأونها يقولون لها قوومي خير ان شاء الله وش شايفه نفسك ؟
عاد انا اقول فجججأه لكن مووب داااايم
والعيال عندنا (اقاربنا) ما يحبوووون الدلووعييييييييين ابد ابد وما يواطنونهم :seko:


1 _ صحيح إنّا على المستوى الأنثوي إذا قابلنا بنت وقامت تدلع ودنا نكرب حنوكها ونسكتها ، لكن هل تتوقعون إن الرجال مثلنا ؟
ايه وزود بعد يعني الحين حنا عندنا بنت بالمدرسه دلووعه وياااي ولا احد يمسكني ووصاخه ومدري ايش عاد انا تنررررررررررررفزني البنت اللي كذا خلاص اكرهها اكرهها من قلبـــي !
صح اقول لأنو واقول احياناً فججججأه لكن مو دايم اقولها (فجأه) بس اقولها بجديه وبسياق كلامي مستحيل اقولها تصنع ولا دلع وععععععععععععع اكره كذاااا (يمه ريما الحين بتابع كل كلامي وانا اتكلم اخاف اني اقولها تصنع او دلع > تكره الدلع :112: !) :145:

2 _ اللحين إذا ماتدلعت البنت على الشسمه أجل تدلّع على مين
ههههههههههههههه حلوه الشسمه ذااا :131:
شوفي البنت تتدلع على اختها او امها يمكن خالتها وكذاا وعلى قولة الاء ما تصير دفشه لاااا تصير انثويه مو دلووعه ولا دفشه (=
عاد بنات خالتي الحجازيات ما يقولون لامهم يمه زينا يقولون ماما عاد حنا دايم نستهبل عليهم نقولهم لا تصيرون دلوووعين قولو يمه يقولون والله احنا زي كدا ما نقدر نغير طَبْعَنَا !
لكن هم مو دلوعات بالعكس هم ما يحبون الدلوعات ولا يحبون الدفشات يعني يحبون الوسط (=


3 _ اسألوا العيال اللي عندكم وعلمونا النتايج ، كود نغيّر أساليبنا
تخيليني اروح اقول لأخوي كذا والله ان يكرشني ويقوول (انتِ عارفه وش احب جايه تسألين هالسؤال السخيف؟) :117:
لا شوفي بقوله وبشوف انتظريني (=

4 _ جميع ماسبق .
جميع ما سبق (اللي كتبته) هو اللي ابي اقوله بالضبط :p
وبس وحقيقي مرا استانست لما شفت موضوعك لانك وحشتيني جد :141:
تسلمي يا كتكووته :117:

أفنان الدريهم
11-11-2009, 03:42 PM
يؤ يؤ يؤ .. رييييما :141:
يختي وش هالغيبات .. تنفقدين ترى


لا لا ما عليك .. تدلعي عالشسمه ..
بس ترى انا مو مسؤولة عن الاضرار الناجمه

اذكر الشسمه حقنا :seko: ماسك علي كلمات اقولها .. عذذبني ..
>> عاد هو ما عنده اخوات فمصدوم .. اظنه اول مره يسمع صوت بنت بحياته :145:
>> واعجبتني الشسمه .. احسها كلمة لطيفة .. بضيفها لقاموسي :seko:

اااخ بس يا ريما ..
خذي اخوانك معك بالجامعه .. حتى يعرفون التصنع الجد http://vb.eqla3.com/images/smilies/n/sm1.gif
قسمن مرات احس خلاص ما فيني .. "تطقني البتسوه" هع
مادري وش يحسون فيه بعض البنات والله ..

بس ريمااا .. امااااا عااااد بروح اسأل اخواني :seko:
شقول مثلا .. تحبون البنت الي تقول انو وفجأة >> فيس مفهي بقوا هع



مش مصدأة عيني
>> ما يمديني .. انواع الدلع عند حصوص :seko:

شكرا ريما ..
لا تقطعين فجججأة :seko:

ديـــــــم
11-11-2009, 04:01 PM
^^


اقتباس:

مش مصدأة عيني
>> ما يمديني .. انواع الدلع عند حصوص


لا فنووون مو دلوعة حصوص

لو إنها دلوعة كان قالت مش مسدأة عيني..!!

:117:

أتذكر دايم أخوي يحب يقوول رررااااء بدلع >> يعني ينطقها مايعة..:117:>>يستهبل على دلع البنات .!!

خخخ

ريـمـا
11-11-2009, 04:02 PM
وه ياحلوكم جايتكم بس مو اللحين لأنو قدري ع النار :117:

فوفه
11-11-2009, 04:09 PM
كنك سامعتني قبل كم يوم :smilie:

واقفه عند مطعم وجنبي بنت بتطلب وامها بالمطعم الثاني وتناديها بدلع مااااما ياماااامااااا

يااني انا اللي استحيت ويااني ودي اصفقها الله يصلحها

لا والي يبيع سعودي فيقول لصديقه ردي عليها :smilie (4):<يتطنز ،صح اني ماحب الرجال يقعد يعلق

بس صراحه صادق فيها ودي انها سمعته

عاد اختي متزوجه تقول غريبه عاد الرجال يحبون الدلع

قلت اسمحيلي يحبون الدلع مب المصاله :smilie (3):

يعني انا صح مااحب البنت الجفسسسه بتصرفاتها والا اللي تتكلم كنها جدتي

بس معليش سالفة تتدلع بالحكي وترقق فيه اللي تحسينه مصطنع ومتكلف واصلا مب لايق ماااطييييييقه :smilie:

أفنان الدريهم
11-11-2009, 04:32 PM
ايوااااا جبتيها فوفه .. هذا الي كنت ابغى اقوله :seko:

قلت اسمحيلي يحبون الدلع مب المصاله

خيارا ..
اي اي ادري .. كنت اتريق :seko:
من جمبها حصوص هههههههههه..

وان شاءالله قدر ريما ما احترق .. لانو حرام يحترق فججأة :seko:

حسانة
11-11-2009, 06:44 PM
?
مافهمت ؟
عجبني الموضوع بس مافهمت إنوة وفجأة؟؟؟ هي تقليعه جديده عندكم؟؟؟

حسانة
11-11-2009, 06:59 PM
فهموني

إستثنائيه !
11-11-2009, 07:13 PM
موضوعك مجنوووون يآبت <~ ركزوآ على بت هع

رآجعه لكم رآجعه الله لآيعوقني بشر : )

إشراقة فجر
11-11-2009, 08:05 PM
خخخخخخخخخخخخ..

إحم..

عندي واحد عايش بين جفسات ..

وحايمة كبده...

يقووووول أبيييي دلوووووعا..

أبي بننننت دللللع..

<<حسيتنا نوحش هع..

لا بس إذا كبرنا نتدلع خخخخخ..

أفنان ذكرتيني بأبوي عايش بين أولاد وماعنده أخوات أبدد.. يقول أول ماتزوجت بلشت ما أعرف أتعامل مع حريم..


شكرررا ريما ختير موزوعك..

بس مستحيل اسأل إخواني يختي أستحي :117:

زين عرفت راي واحد الظاهر الثاني يبي بنت مزارع تطلع معاه البر :107:

قلبي صافي
11-11-2009, 08:13 PM
مســـآء الخيــر ريووم .. نورتي انفاس ..
موضووعك جناان ..
الصراحه انا احب الدلوعــآت احسهم فريدين من نوعهم اما اللي يصطنعون الدلــع وووععع ..
لاا تعليق ..
..
مشكوره يالغلاا

أقــــدار
11-11-2009, 08:40 PM
عُدت : ) ,

ريما أقولك الجد ؟ أستحيت أسأل أخوي ::خجول::
وش أقول ؟ , اليوم جالسة قبالة وكل دقيقة : ( عبود ) إذا قال نعم
قلت لا مافيه شيء :117: , وآخر شيء طفش وطردني قليل الذوق :seko:
, و تعليقاً ع نقطة خيارة أنا أقول ماما بس ترا مو دلع <<< برااااااااااا

:120:

البسمة الفضية
11-11-2009, 09:15 PM
^
^
هههههههههههههههههههههههههههههههههههههههههه قداروه يختي يا ذا البنت يا انك رهيبه وه :141:
يختي بجيبك عندي بالبيت بخلي تقرقين علي :117:
وه وه ياربي لا تخلينا ..:141:
اشراقه هههههههه فيه عندنا ناس كذاااا هههههههه

|~لـلـوش صديقة رنـوش~|
11-11-2009, 09:36 PM
هلا موضوع مرررة حلو وجا في وقته توني امس اتكلم انا وصديقاتي عن ال(خكريات)



بالنسبه لي انا اكررررررررررررررررررررررررررررررررررررره الدلوعات وزي ما قلتي مودفشه بس حت مو خكريه

انا صحيح فيني دفاشه شوي بس مو كذا لان البيت كلها عيال فلازم تتاقلمين معاهم لان لو صرتي دلوعه ذبحوووووووووووووووووووووووووووك

وبالنسبه للعيال ما يحبون البنت اللي تتميصل وتتخكرن يحبون اللي ((بــنـــت))

البسمة الفضية
11-11-2009, 09:59 PM
ما اقولكم اني لما شفت رد اقدار اللي تو ^^ ضحكت وقلت غريبه عادي تسأل اخوها وش فيها ؟! > يا شين الواحد لا قام يتفلسف :117:
واخوي اللي بثاني ثانوي جالس بالصاله يقرا كتاب قلت (عبد المجيد) وسااعه لين يناظرني يقول (نعم)
انا : اممممممم وش كنت بقووول يووه نسيييت > اصررف
خلاص ولا شي ولا شي ..
ينزل راسه ويرجع يقرا وهو وده يعطيني كف :131:
مره ثانيه (انا : عبدالمجيد
"ساعه بعدين يرفع راسه" وبنبرة احد من اللي قبل شوي"
يا نعم ؟
اممممم ايه تذكرت هاه وشو يووه نسيت تؤ يوووه خلاص خلاص ولا شي :144:
هو : اقول سميا روحي مناك ولا تزعجيني ..
^^
قليل الذوق طردني > ما اقلد :p
وبس وصج استحي وش اقوله ؟
ريما علميني وش اقوله ومن عنوني اسأله :seko:
وبس
:120:

ديـــــــم
11-11-2009, 10:05 PM
حسانة

أنا أفهمك..!!

هذا أخو ريما يبغى يتزوج وحدة مو دلوعة .. ويمكن شاف وحدة دلوووعة وما عجبه دلعها وتقول "إنو" وفجأة" >> ترى هي مو علامة دلع بس مدري ثبتت في راسة إن اللي تقول كذا تصير مدلعة ...


الدلوعات عندكم وش يقولون ..؟؟ يعني كيف تعرفين الدلوعة الأصل من التقليد ..:117:

نور النهى
11-11-2009, 10:36 PM
الله الله وش هالحركاااات


ريمآ لك وحـشـه والله :141:


رد ع السريع

أنا أغببببط البنات الدلوعآت أباً عن جد ( يعني بالطبيعة ) ماشاء الله عليهم
بعض الأحيآن تجيني الصيحة إذا شفت دلعهم وأحس اني مو أنثى :""""
ماشاء الله عليهم بس ماشاء الله


أما الدلوعآت السآمجات وعععععوه والله تحآم كبدي /:
ياشينهم بس

ائتلاف
11-11-2009, 10:57 PM
.

أهليين ريما (:

أخوي الكبير عارفة رأيه بدون ماأسأله لإنه لمن كنت صغيرة كان يخاصمني لمن أقول ( ماما ، بابا )
يبغاني أقول ( أمي ، أبويا ) ..
وكنت وقتها أسمع كلامه .. وما زلت لكن أحياناً تطلع مني " مامتي " يقوم ياخذني تريقة :mrgreen:


اللحين إذا ماتدلعت البنت على الشسمه أجل تدلّع على مين

أنا عن نفسي ماني دلوعة لكني أحب أدلع نفسي بنفسي مو على أي أحد (:
أكافئ نفسي .. أمتع نفسي .. أهني نفسي :141:

،

ايوه صح ..

عندي ولد خالتي ما يحب الدلوعات يقول لأمه إنه يكره أختي الكبيرة :131:
رغم ان اختي أكبر منه بسنوات كبيرة جداً ..
وسبب الكره : إن اختي دلوعة وتتكلم بنعومة وتقول " ماما " :131:
^ بس هي من جد طبعها دلوعة مررا يسعدها ربي ..:141:

،

وه ريما ..
تسلمين حبوبة على موضوعك اللذيذ :108:

* على فكرة ، أنا من جماعة ( إنو ) :seko:

.

عناقْ
11-11-2009, 10:58 PM
وعععععوه


نهـوٍوٍ / مـن وييـن طآلـع‘ـه ذي !
آشـك آنهآ من الأع‘ـمآق .. :مبروك:

ريـمـا
11-11-2009, 11:38 PM
ماودك ياريما يكون موضوعك ضمن مسابقه لنرتقي

صايرة عليمي في المنتدى ما أعرف ل الأشياء هذي إذا تشوفين تحطونه حطوه :141:

نووورعلى الدرب
11-11-2009, 11:49 PM
^
ابشري نحطه لك

ريـمـا
12-11-2009, 12:17 AM
رؤى ..

ياصباح المسرَّات ..

أما يفعصها تجنن من جد ،
شوفي أنا عندي وحدة كيوت وتدلّع أهون من وحدة ....... ما أقول إلا ياشين السرج ع البقر ، اللهم لك الحمد ،

خيارة ..


على فكرة أنا أقول ماما والشسمه بقرارة نفسه عاجبته "عاجبتا" > بلغة الدلوعين ومايقدر يسكت لازم يقول : ياي :117:

لولي ..

هي بيني وبينك تشهوي تنقال ما ألومك والله ،

يسعد قلبك وتقييم لذيذ :141:

موجة أمل ..

بصراحة هي الدلوعة تشتهين تناظرينها إذا صارت جلستها دلع وكلامها دلوع مو ماصل عاد
بس ياحلوك وحلو البساطة تلقينك عند الناس تسوين وتستوين = )

كرزة الصغيرة ..

أجل ماني خاطبتك لأخوي :117:
بنات ماتدرون يمكني منزله الموضوع عشان أخطب :117:
هلا وهلا ..

حصييص ..

ههههههه هيّن أنتِ أعرف دلعك متى يطلع ، أما اللي تقول ألـو بتفخيم اللام وععع
واللي تقول كيفـ "إك" أهون من اللي تقول كيفـ"تس" يابنت الحلال
أبد لا تخافين مانب متدلعة تطمني على مستقبل صديقتك لا تنرفس منّا ومنّاك :141:

دفء البحر ..

فججأة صرتِ "دلوعا"
نسيت أقول لك ع البركة الفوز بأحسن تنسيق وتستاهلين :141:

حسانة
12-11-2009, 12:20 AM
حسانة

أنا أفهمك..!!

هذا أخو ريما يبغى يتزوج وحدة مو دلوعة .. ويمكن شاف وحدة دلوووعة وما عجبه دلعها وتقول "إنو" وفجأة" >> ترى هي مو علامة دلع بس مدري ثبتت في راسة إن اللي تقول كذا تصير مدلعة ...


الدلوعات عندكم وش يقولون ..؟؟ يعني كيف تعرفين الدلوعة الأصل من التقليد ..:117:

هاااااااااااا
بس كلمة إنو مافهمتها:smilie (5):
أحيانا تتدلع بعض البنات وتتلكم بغير لغتها وغالبا الخليجيه... ووقت تسأليها أنتي من وين تقول ؟؟؟من هنا ...:smilie:

عناقْ
12-11-2009, 12:24 AM
أجل ماني خاطبتك لأخوي


هـآ آ آ آ آ آ آ

لآ هـوٍوٍوٍنـت مو قآيلتهـآ آبد .. :(((

ريـمـا
12-11-2009, 12:51 AM
البسمة الفضية ..

تدرين احتمال أعرفك إذا إنك بنت أستاذة التدبير بس ما أعرفك أنتِ أعرف إختك لأنك الدفعة اللي بعد ماتخرجت على طول :117:
ههههه يابنت إذا عيال قرايبكم مايحبون الدلوعين بطلي من اللحين تقولوين إنو وفجأة :seko:
يسعد قلبك وتسلمين "سميّا"

أفنان ..
هلا ومسهلا يختي تراي معك شريعة وبالإمام
وجيت الثلاثاء واعتذرت عن هالترم ماشفتِ وحدة متنقبة تمشي :117:
يو صدق أجل صرتِ فجأة بالحياة عنده ، فجأة بنت وفجأة عندها شعر وصوتها ناعم >من قال فجأة ؟
ولحد يتّريق على حصوص تراها عن العين قالت مش "مصدأة"
هلا هلا

فوفة ..
هلااا وغلا وينك ووين بنان ..
خليها على ربك أنا أكره اللي يتدلوعون عند الرجال ، في بعضهم بالسوق تمشي وإذا مر رجال علّت صوتها يعني اسمعني / من جد يا الله كبر العقول > من قال عجوز ؟
وصادقة أفنان جبتيها وترى قدري مااحترق لأنو مسكين أرحمه"بترقيق الراء" إذا احترق


حسانة ..
ياقلبي عليك عسى فهمتِ = ) ؟
إي البنات عندنا قامو يقولون بدل "إنه" "إنو" ومن هالكلمات على بالهم دلوعين = )

Sunset ..
يابعدهم :141: أنتظرك ، أنتظرك = )

إشراقة فجررر ..
وش هالغيبات قبل كم يوم كنت بكتب لك ببريد العضوات والله وحشتيني ..
خخخخخ أحسن لحريم إخوانكم لأن إخوانك بيحسبون زوجاتهم أنعم شي بالدنيا ..
وهـ :141:

m!ss 9osy
12-11-2009, 12:56 AM
حسانة.. انو بمعنى انه هههه <<فلسفه

بحطها لك في جمله مفيده :seko:

>>بما انو انا اختك في الخليه فانا احووبك =)

مدري مااحسها سمه للدلوعات بس

انا اقول انوو و اتنين و اماا

بس اقول امي او يمه ويبه <<ماتقصد احد ههههه

يعني مدلعه خفيف مو ميااعه ووععع

واخواني اكيد يبغو دلوعات

بس مو لدرجه الـ ياي هههههه

مفكرة
12-11-2009, 12:58 AM
ههههههه

صادقة التميع مكرووه

بعض البنات ما ودك إلا تقولين لها إلا احتسي زين << دايم أخوي يقولها لأختي الدلوعة الصغيرة

وأذكر وحدة من خواتي صارت تتكلم بالكاف فججأة.. ما خلوها إخواني من التطنز..

و وحدة من معارفي تنطق اسمي إذا جت تناديني بطريقة دلووعة.. ودي أقول لها تكفين ناديني مثل الناس هع

فعلا التصنع مبغوض.. و مافيه أحسن من العفوية في كل شيء.. و الله يقدرنا..


أخوي المذكور آنفًا مرة قاعدين نتطنز عليه و على هوايته.. بر و سمكرة سيارات..
نقول له منين نلقى لك الحرمة اللي بتصبر على هالأشياءات....!

قال بدور لي حرمة تحب تسمكر معي سيارات.. :smilie:


ريما
يازينها من طلة (=
:141:

عبيــر
12-11-2009, 01:15 AM
ريمااا بأنفاس :141:




زين عرفت راي واحد الظاهر الثاني يبي بنت مزارع تطلع معاه البر

ههههههههههه

هذا أخوي يبي وحدة تعرف تركّب مكينة سيارة بس إنها أنثوية >> مدري كيف تجي :seko:

فلللة لو نلقى له وحدة كذا هع

الأخ الثاني شكله يحب الدلع

بس الدلع الطبيعي موب التمايع

مرا جاي يقول وش الحركة هذي يصير الشعر نازل على الوجه وكل شوي ترفعه ويطيح :seko:

والا يقول ( تك تك تك ) >> يقلد صوت الطقطقة بالكعب :seko:

الثالث يقول لنا لا تتدلعون بس يبي وحدة دلوعة :seko:

الرابع ما بعد عرفت وش يبي بالضبط :smilie:

شكراً ريما

:108:

سنا الوجود
12-11-2009, 02:00 AM
وهـ بس يازين بنات الخلية رادين عقب بعض >>>> :141:

العنوان حكاااية :117:

أنا أقول إنو بس مو دايـم وأقول مامي :141:
بس مو دلع .. خلاص كلامي كذا
أحس إني عجيز لا قلت يمااااااااه :117:
يختي أحب أتدلع على مامتي .. إذا ما تدلعت عليها أتدلع على مين >>>> على الشسمه :seko:

والأولاد بشكل عام ما يحبوا الدلع الماصخ المصطنع
يحبوا الأنثى تكون بطبيعتها
ولو التفت كل أنثى لنفسها بتلاقي معالم الدلع الطبيعي فيها بدون ما تتصنعها بشكل زايد عن حده
وهالمعالم تختلف من وحدة لوحدة

أختي الصغيرة لما تجي تتكلم الرا حقها تطلع بشكل دلوع مرررة
بس خلاص كلامها كذا
عاااد اخواني لا جوا ينادوها يقولوا لها : سآآآآررراا >>> بترقيق الرا .. عااد تطلع عليهم مااااصخة :seko:

عاااد البنات بدون دلع مو بنات
بس دلع طبيعي مو دلع مصاخة ومياعة



>>>>>>> بنات ريمآآآ قاعدة تدوّر على عروس لأخوها بس بطريقة تقنية حديثة :seko:


يسلمووو ريمـا :141:

سنابل العطاء
12-11-2009, 02:01 AM
فيه فرق بين الرقه , الإنوثة والدلع الماسخ

أحب أتعامل مع الناس الناعمة الهادية وماأعرف أتعامل مع الناس الدفشة

الوحده المفروض تتكلم مثل أهلها مو تخترع لها لهجه جديده

الدلوعات ماااااأحب أجلس معهم أبد أقوم على طول فيه دلع يجيب المغص

أحس ماعندهم جديه

ريما :134:

Lovely-flower
12-11-2009, 04:10 AM
موضوعك تحفة

أذكر وحدة من خالاتي تقول إنو مدرسة عندهم مرررررررة دلووووعة بزياااادة دقت على البقالة بتطلب وهي بالمدرسة طبعاً وتبغى توصيل بعد ، وقالت للهندي لو سمحت أبغى تشوكلت ومارشملوووو >>>>> بترقيق الراء والنعومة الزايدة وطلبت أشياء ثانية ما أذكرها بس كان كلامها كله دلع * دلع
تدرون وش قال لها الهندي !!! :lazy:

قال إزا يبغى شئ ساني كلم مرة تاني :158:

>>>> الله ياخذه شكله أعجبه الدلع والميوعة :7:



وهذا موقف فريش :

أمس كنت رايحة للمستشفى وكنا ننتظر عند الريسبشن ، وكانت قدامي وحدة مسوية نفسها دلوووووووعة مرررررة ورقييييقة لابسة بنطلون جينز وعباية كتف ومتحجبة وميك أب وحركاااات وهي جداً عادية يعني أحس مو لايق عليها الدلع ،
وأقعد أطالعها من فوق لتحت أبغاها تستحي على وجهها وتتغطى :smilie (86):
يوم إلتفتت علينا هههههههه قال الوشسمه :p: وش ذي الحمدلله الذي عافانا !!!
عاد أقول بنفسي الحين أغلب اللي نشوفهم وهم متنقبات ومتلثمات أكيد أشكالهم كذا ، بس محليهم اللثام والميوعة وععععععععععععععع مننننهم
عاد يوم شافتنا وراها رمت الطرحة على وجهها وتغطت :smilie (95):

>>>> وأنا أكثر ما يقهرني الأشكال هذي :smilie (60):
ويا كثر ما نشوفهم بالأسواق وبكل مكان الله لا يبلانا ..



وكمان وحدة أعرفها مرررررررررة دلوووووووعة وكلامها مرررررة رقيييييييق وهي تتدلع بزيادة ،
ومن حركاتها ودلعها تحسين إنها مراهقة بس خلاص تعدت هالمرحلة ، وما شاءالله لا قوة إلا بالله
تزوجت ومشت أمورها وأحس بعد زاد دلعها بعد ما تزوجت :blink: ،، عشان هيك أتوقع إنو بعض الرجال يحبون الوحدة اللي تحب الدلع والميوعة ...


وضحكتني كلمة سنابل إنو فيه دلع يجيب المغص
>>>> واللهي إني معها بالكلمة هذي وبقوة بعد ، مرة زارونا ناس، وبناتهم مرة دلوووووووعات لدرجة إني ما أتحمل أجلس معاهم وقت طويل لأنهم يوصلون ضغطي لإتش :smilie (60):
وكل كلماتهم ماخذينها من بعض الممثلات والمذيعات
>>>> جعلهم للموت أو الهداية غثونا بكلماتهم :smilie (86):

ومراهقاتنا بالذات بس يقلدونهم على غير سنع ،
وه بس الله يهديهم ويفكونا من دلعهم اللي غثونا فيه :annoyed:


شكراً ريما ع الموضوع اللزيز أوي ، واللي وسعت صدري فيه الله يوسع صدرك بالعافية :131:

:141:

Lovely-flower
12-11-2009, 04:46 AM
^^^^^^^^^^^^^^^

رجعت :145:

تذكرت موقف صار لي وأنا بثاني ثانوي ،،
يا رببببببببيه كل ما تذكرته حسيت بالفشيلللة :seko:

كنا طالعين الظهر وكانت وراي بنت جيراننا بالشارع وكلمتني وما عرفتها ،
قلت لها مين ؟
قالت : أنا نورة ال......... :32lo: حتى عائلتها كان فيها راء
وهي يا حبي لها كانت ما تنطق الراء زينا ، لا تنطقها بالترقيق يعني بدلع وهي خلقتها كذا يعني موب تصنع :33h:

وكنت توني أدري عن هالشئ ، فقلت لها مين بتعجب أبغاها تعيد اسمها ابتأكد من الراء
>>>> الله ياخذ شيطاني علي حركات :seko:

قالت اسمها بنفس الطريقة بترقيق الرراء :بنت

قلت انا : نورة بلا دلع على هالظهر والشموس موب وقت دلع ، قالت أي دلع ، والله أنا أنطق الراء خلقة كذا ما أتدلع :28

عاد أنا طاااح وجهي واستحيت من نفسي بس والله ما كنت أدري :131:

عاد وبالنسبة لسؤالك أحس إنو الرجال يبغون الوحدة يكون عندها دلع بسنع >>>> متعوب عليها ترى :مبروك:

يعني على قد ما تكون الوحدة دلوعة وتهتم بأنوثتها ورقتها وجمالها ودلالها ، تكون بالمقابل ست بيت وأم سنعة تؤدي مهامها على أكمل وجه :happy:

Lo0o0oly
12-11-2009, 10:01 AM
بقول لكم سآلفة

مرة يوم أخوي الصغير كآن بزر , يمكن أربع خمس سنوآت , تهآوش مع أخوي الكبير , وجآ طآري الزوآج , والصغير هذآ كآن يحب الحيوآنآت مررررة ,

المهم يوم جآ طآري الزوآج وقت الهوشة , أخوي الكبير قآعد يحآرش الصغير , عآد يقول لهـ أنآ إذآ تزوجت بآخذ زوجتي ونسآفر ونروح ملآهي ومدري إيش ,

عآد الصغير يقول أنآ إذآ تزوجت بدلع زوجتي وبحط على كتفهآ بلبل :145: << شفتوا الدلع بس كييييف هع ,

البسمة الفضية
12-11-2009, 11:01 AM
ريما يمه روعتيني الحين بروح اقول لأمي ولأختي عنك اشوف مين انتِ يمكن اعرفس :p
بس لحظه وش اسمس الصدقي ريمــا ؟؟
>> مرتاعه ارحموها :117:
شوفي صح اني اقول انو واقول فجأه لكن بطريقه عااااديه جدا زي اي مواطنه في الحياة ما تحب الدلع والمصاله :131:
وحتى في من قريباتنا تقول انو وفجأه بس بطريقه عاديه بعد ..(:
> العايله كلها ما تحب الدلع ..
تصدقين اختي الصغيره مره دلوعه "4 سنوات" وما تنام الا عند جدتي بالسرير ودللللللع مو طببيعي ..
فمره جاء ولد خالتي الصغير بعد عمره 5 سنوات جاء لبيتنا وشافت اختي تصيح وتقول ماما ماما شوفيييها قال (هيه انتِ تكلمي زي الناس وشو (ماما شوفيها ) >> يتطنز عليها :117:
حتى عيالنا دفشين ويبون البنات زيهم "مشكله" :seko:
وذكرت موقف ثاني >> عيت تخلص سوالفها :145:
عزوز ولد خالتي هذا اللي عمره 5 سنوات دااايم يجي عند امه يقول "يمه انا اكره جوري اكرررهها مررره دلووعه يعععع" (جوري بنت اخوه) ودايم اذا شافها تصيح بمياعه يضربها زياده يقولها (انا عمك اسكتي)>>>:117:
وبس كثرت هذره :seko:
ريمــا :141:

أنثى الكتاب
12-11-2009, 11:47 AM
^^



لا فنووون مو دلوعة حصوص

لو إنها دلوعة كان قالت مش مسدأة عيني..!!

:117:

أتذكر دايم أخوي يحب يقوول رررااااء بدلع >> يعني ينطقها مايعة..:117:>>يستهبل على دلع البنات .!!

خخخ



تصحيح بس خيورة ..
عادي اللبنانيين بعضهم يقول , مش مسدأه أو مش مصدأه و الي بالصاد ذكورهم يقولوها أكثر ..
والراء بعد أنواعها عند اللبنانيين أما السوريين يقولون مو مسدأة مابسدأ ..

عادي رَوْح قالتها صح بدلاعه ..

وعشان ما أطلع عن الموضوع أنا ماكنت احس اني دلوعه بس الكل يقول اني دلوعه ..
ومااقول انو و فجأه أكره أكثر شي فجأه هذي .. حتى بالقصص !!
وانو ناااادر اقولها .. احب كلامي يكون واضح , و الكلمات نطقها مستقيم و كل اللهجات تفهمها !!!
لهجات الدلوعات والا غيرهم !!

يعني دلاعتي عفويه ؟؟ تتوقعون :smilie (4):


:120:

عُــلا
12-11-2009, 11:56 AM
ريما :141:



ياحبي لكم ورااااااااا أنفاس مشتغل هالأيام عن الزواج والعرس !!

ياحبي لي عاد أنا أسبوع الماضي زواج وخيتووووو ..

عااااااد طول الأيام ليل نهار أصيييييح عليهااااا حتى لما كلمتهااا صحت صحت حتى قالت خلااااااص

وطلع البيت على رأسي ..

وأدخل للنت وأمر على على المنتدى بسرعة وأشوف المواضيع عن الزواج وأقول شنو السالفة ؟؟


المهم أرجع للللدللللللع

شوفي الدلع حلوو على البناااااات بس مووووووو بزيادة !!

الشيء إذا زاد عن حده انقلب ضده :117:


وما تجي عااااد جافة !!

أقولك وحدة من زميلاتي عاااااادية ماعندها دلع !!
يعني جااافة أقولها خليك شوي نعومة لما تسمعني تفطس من الضحك :117:


أنا أقول أنو و موو بس مو دلع طحت فهالكلمات وماانفكيت منها :117:

وشسمه أما خووواني

أسعد أوقاتهم لما بيمسكون علي شيء بيعلقون علي لحد مايدفنوني :117:

وعاااااد شسمه أنا الوحيدة من خوواتي اللي طقاق وخناق معهم << ماظنيتك دلوعة :117:

لما بيتريق علي أرد له الصاع صاعين !!

عاد يتبسطون على هواااشي

ويكررون لما بيسمعوني أقول أنو .. بقعد يقول أنو .. أنو :117:

ويقولون بلا دلع !!

وفي نفس الوقت يحبون الناعمة بس مو الخكرية !!


وصراحة كل من في المدرسة من معلمات وحتي المديرة !!!!

يقولون لي : أنتي دلوووعة مرررة !!!!

تدرون وش قصدهم في الدلع !!!

أنو أنا حساسة وما أتحمل شيء وكمان يقولوا لي أهلك مدلعينك !!!

جااني جنووون من هالكلمة ( دلوعة ) كرهتها من جد !!

خلاااص لزقت فيني ( دلوعة ) لما بتتكلم معلمة عن الدلع تناظرني !!

يانااااااس وشفيني !!

عاد أنا أبي أقهرههم أقول : بكيفي أدلع وأهلي بيدلعووني !!

يعني هذي خلقة ربي فيني ما أتحمل أحط يطالبني أو ينافخ علي وش أسوي ؟؟

يعني مشاعري رقيييييقة !!



الزبدة من هالسالفة ...

شسمه مقاييس الدلع اللي فهمته من مجتمعنا أنو الحساسة وزي كذا ...!!

مع أنو مادخلت مزاجي لإنو هذا طبع فيه قوية شخصيتها وتتحمل وفيه لا ..

بس ما أدري ليش يقيسون على كذا !!!!

Lo0o0oly
12-11-2009, 01:59 PM
تذكرت أبلتنآ التآريخ ,

مرة شآفتني سويت حركة كنت معصببة مرة وقمت بقوة وخطفت مقلمة صديقتي , هي طآرت عيونهآ , قآلت أثركـ دفشة << مآ توقعتني كذآ , مدري ليش ؟!!

حسانة
12-11-2009, 04:32 PM
حسانة.. انو بمعنى انه هههه <<فلسفه

بحطها لك في جمله مفيده :seko:

>>بما انو انا اختك في الخليه فانا احووبك =)


فديت ميسو :141:
بس نحن عندنا بيقولوا إنو رجال ونساء ههههههههههه
ولكن في القرى لا يقولون هذه الكلمة ومن يقولها يعلقون عليه إنه مدلع من أهل المدينة
شكرا للموضوع وبما إنو عجبني سأضع 5 نجوم
في كلمه كمان وهي إندكوه
وتعني ( هاهو ذا )مثال
حسانة : فين المشط؟
أم خطاب : إندكوه فوق التسريحة.

إستثنائيه !
12-11-2009, 04:57 PM
فديت ميسو :141:
بس نحن عندنا بيقولوا إنو رجال ونساء ههههههههههه
ولكن في القرى لا يقولون هذه الكلمة ومن يقولها يعلقون عليه إنه مدلع من أهل المدينة
شكرا للموضوع وبما إنو عجبني سأضع 5 نجوم
في كلمه كمان وهي إندكوه
وتعني ( هاهو ذا )مثال
حسانة : فين المشط؟
أم خطاب : إندكوه فوق التسريحة.

من آول وآنا آنتظر رد حسانه بشوف ردة فعلها
لآني حسيت من ردها الآول آن ( آنو ) عندهم تلقائيه خخخ

إستثنائيه !
12-11-2009, 05:04 PM
Back .. http://vb.eqla3.com/images/smilies/119.gif


بالنسبه لـ آخواني يموتون في الدلع بس إللي على آصوله
يعني طبيعي مو مصطنع مافيه تكلف <~ متعوب على تكلف ترى http://vb.eqla3.com/images/smilies/biggrin.gif


بنت عمي في خآمس آبتدائي مره بزر / بس عليها دلع يرفع الضغط http://vb.eqla3.com/images/smilies/007.gif
مره ماقدرت آتحمل هـ البزر وقمت اتريق عليها http://vb.eqla3.com/images/smilies/biggrin.gif
بس والله ندمت لآن البزران مسكوها عليها http://vb.eqla3.com/images/smilies/139.gif
وهي تفشلت خخخخ http://vb.eqla3.com/images/smilies/biggrin.gif




ريمـآ http://vb.eqla3.com/images/smilies/004.gif http://vb.eqla3.com/images/smilies/004.gif <~ قلوب إلى مآل نهآية

حسانة
12-11-2009, 06:17 PM
من آول وآنا آنتظر رد حسانه بشوف ردة فعلها
لآني حسيت من ردها الآول آن ( آنو ) عندهم تلقائيه خخخ

:smilie:
كيف عرفتي ؟ هل تعرفي الكلام العدني؟

شادن المحمود
12-11-2009, 09:31 PM
((إنو )) من جديــــــــد :158:eyebrow_smile
لما كنت بسنة رابعة انتشرت زي الوباء بالجامعة
كأنها ختم الجودة للأنوثة والدلع
:cry1:


كانت من جد تنرفز هالكلمة .. مع أنو >> كل العايله تقولها عاااااادي

بس ما أردي ليش فجأأة صارت دلع
تلقينها بين كلمه والثانية قلت إنو .. لأنو ..

أممممم يمكن لو حللنا مصدرها التاريخ رح نلقى إنها مأخوذه من الشوام :4:
وبنوتاتنا المسكينات يحسبونها دلع :131:
فتحولت إنه إلى أنو > تتفلسف:man


الرجال مايكره الدلع بالعكس يحبوه إذا كان طبيعي
وإذا ماتعارض مع مسائل وشؤو ن معدته:chef:

مو دلوعه ولا تقول فجأأه > بس الشسمه ماسك كلمات كل ماقلتها فطس ضحك

:cry:
ما أدري ليش الثلاجه ما تطلع معي إلا تلاجه
بس في النهايه تعجبه الكلمات المخربطه عندي



ريما موضوع خطيررر رجعتي ذكريات الـــ إنو
عاد أعذرونا طولنا < مو مسولفه من زماان:28

زهرة السماء
12-11-2009, 10:15 PM
بصراحة كلما دخلت ضحكت من قلب وحبيت ارد بس ارجع مطرح ماجيت
عادي جداااااااادعندنا كلمة انو
البنت الدلوعة واللي ودي امسكها واعلقها من شدة ماتمغصني هي اللي تقول ياااااااااي وااااااااااااو هااااااااااااي ومامي وبابي واوك اكره جدا الحديث بكلمات انجليزية
صدق لو قالتها واحدة جنبي كنت مسكت فمها وقلت لها أسكتي ولاكلمة تاني
وبراي الدلع تختلف الفاظه من مكان لتاني اللي اشوفه دلع يمكن تشوفوه عادي واللي تشوفوه دلع يمكن اشوفه عادي
موضوع رائع ويستحق التقييم :)
صرت احب انفاس بهيك مواضيع حلوة تسلمون :)

ديـــــــم
13-11-2009, 12:46 AM
على طاري الدلع .. أول ما طلعت موضة الكاف..

وحدة تقول بنت إختي يوم توها صغيرة يمكن بثاني ابتدائي..

جات عندنا تقول

خالتي عندكم بقدونك...!!

خخخخخ

وأخوي ما جسرت أسأله..!!

ريـمـا
13-11-2009, 01:04 AM
قلبي صافي ..
حلو كلنا أجل نأيد الدلع بس مو اللي بتصنّع ..
حياك = )

أقدار ..
عيب عليه أخوك يطردك ، أجل عقاب له اخطبي له دلوعة :117:
يلا أهم شي جيتِ بعد البرب :141:

للوش ..
هههههه أهم شي يحبون اللي ( بنت )
صادقة والله ، حبيت مرورك = )

البسمة الفضية ..
يابنت الحلال مادخل الحياء في شئ إلا زانه فما ماني مخربة عليك حياك وأعلمك وش تقولين له :117:
واسمي الصدقي ريما ولا تخافين = )

نور النهى ..
يختي ياحلوك حتى لو مو دلوعة مع إني أشك في ذلك :117:
أمممما وعععوه مسّكت معي كل أمس ..
وهـ وهـ :141:

ائتلاف ..
يازينكم يالحجز تحبون تدلعون أرواحكم وتكافئونها تعجبوني ..
هيّن إنو لايقة لكم مو لنا لأن اللي عندنا يتميضخون فيها وأنتم طبيعة وهذي لهجتكم أساساً
مرورك ألذ :141:

m!ss 9osy
13-11-2009, 01:50 AM
فديت ميسو :141:
بس نحن عندنا بيقولوا إنو رجال ونساء ههههههههههه
ولكن في القرى لا يقولون هذه الكلمة ومن يقولها يعلقون عليه إنه مدلع من أهل المدينة
شكرا للموضوع وبما إنو عجبني سأضع 5 نجوم
في كلمه كمان وهي إندكوه
وتعني ( هاهو ذا )مثال
حسانة : فين المشط؟
أم خطاب : إندكوه فوق التسريحة.

هههههه ذكرتيني بزيارتي ل عدن قبل سنتين

كنا نتجهز لفرح في عدن و جات خالة امي الله يذكرها بالخير تقولي : فيسع فيسع ..عاد دورولي وقتها خخخخخخ فطست ضححك

احسبها دخلت تفجعني او تتونس

اتاريها تقول بسرعه بسرعه !! عجلي عجلي !! هع

ريـمـا
13-11-2009, 02:03 AM
شعلة للأمل ..
يعطيك العافية وسويتِ خير = )

كرزة ..
مافييييه محد قال لك تقولينها :seko:
أخوي مُبتعث ويدرس برا ما أبغى أبهذلك معه والا كان خطبتك :117:

مس صوسي ..شرح وافي أحسنتِ تصلحين أستاذة = )
الله يحييك ..

فااااتمآ ..
تخيّلت قريبتكم تناديك كذا :117:
أما إختك المسكينة خلها تدلع عليك لا إخوانك تاركينها وبيجيها الشسمه حقها من هالطقة > خفت على مستقبلها ؛ )
الله محيييييك :141:

هلا عبييير ..
يختي من زمان عنك ، أما أخوك الثاني هذا حالة استثنائية توصوا فيه
لا تجيه وحده جفسسسة حرام ، كلش والا الحركة اللي يطيح الشعر ع العيون ياحلييله
نورتِ ، نورتِ = )

سنا الوجود ..

يختي أحب أتدلع على مامتي .. إذا ما تدلعت عليها أتدلع على مين >>>> على الشسمه
لا تعليق :seko:
شوفي ياسنا احنا عائلة متطورة وما ودنا في حركات القديميين اللي يروحون يناظرون في ذا البيوت ..
مقاييسنا واضحة تقول : إنو والا فجأة ؟ والا ماتقول ؟
وسلامة قلب قلبك = )

سنابل العطاء ..
يممي تذكرت أكلك اللذيذ اسم الله عليك ..

الوحده المفروض تتكلم مثل أهلها مو تخترع لها لهجه جديده
صادقة بالمليون وأصبتِ العبارة ..
حياك ..

ريـمـا
13-11-2009, 02:51 AM
لوفلي فلور ..

ههههههه بعذره حق البقالة زين مايجيب لها ببلاش قال مارشملو قال :117:
وهـ يازين الراء لا ترققت بالذات عند الصغار أدوخ لين قالت بنت أختي خالة ريما " بترقيقها "
على طاري اللي ماتعرف تنطق الراء ، مدري ليه هالحرف فيه صعوبة لبعض الناس صدق أذكر أختي وأخوي كانوا مايعرفون يقولونها فينادوني " ويما " :117:
وأخوي لما تعلّم الراء يركض على الثيّل والثيّل مسقى فيجيه منه مويه ومن الوناسة يقول / رررررر :Seko:
حياك الله يابنت = )

لووولي ..
هههههههههههههههه أما يحط بلبل يختي استملحته اشتهيت أفعّص خدود > شف النعومة ..
وقولي لأبلة التاريخ / دفشة بس أقول / إنو :117:
:141:


البسمة الفضية ..
شكل الدفاشة تنفع بعض الأحيان ..
حياك بكل مرة ..

أنثى الكتاب ..
هلا والله ، دام كذا أجل دلوعة بس مو ماصلة ..
أهم الشي التعريف اللي عطيتينا اياه عشان نحكم = )

عُـلا ..
أجل أخوانك ينبسطون عليك لأنك تتطاقين معهم ، يعني هم يحبون اللي تطاق > ودها تفهم غلط :Seko:
صادقة اللحينالحساسة يقولون لها دلوعة مع إنه في فرق بين الأثنين والله يا أني أعرف ناس من أجفس خلق الله لكن على أي شي / تنننن / تنزل الدمعة ..
حياك = )

حسانة ..
شكراً ع الخمس الحلوين كثير = )
إندكوه جديدة علينا تصدقين بس يلا ندخلها كلمة دلع من الشعب اليمني لعيونك :141:

سن سيت ..
أحلى باك ، زين أخوانك يبغون دلوعين أجل مابتتعبون في البحث بتلقون كثير بس يمكن فالصو مب صدق دلوعات انتبهو :117:
حرام عقّدتِ البزر والمشكلة مالها وقت تتدلع فيه إلا هذا ..
ياهلا ياهلا :141:

ريـمـا
13-11-2009, 03:04 AM
شادن المحمود ..
واو ماتخيّلت إن إنو ممكن تكون قد طلعت على هالبَّة اللي هابين فيها كأنها نزلت من السماء = )
والله يبارك بكلمة شسمه اللي خلتنا نعرف إن عندكم شسمات :117:
تدرين أنا مثلك اكتشفت أن المعدة هي أساس الحياة > منَّاك يلا
الله يحييك ويازين اللي يطولون = )

زهرة الخزامى ..
يا أهلين وأهلين باللهجات الثانية اللي معك ..
على طاري الانقلش تخيلوااا
في موقف صااار شين بقوة بقوة ..
وحدة مو من قرايبنا لكن احنا مآخذين إختها لواحد من قريابنا ، إذا صارت معنا تحب تحسسنا إنهم كشخة وإن مستواهم كويّس
المهم ..
جلست جنب اختي بزواج ولما انزفّت العروسة كانت العروسة عادية
فناظرت أختي وقالت لها : يو العروسة نو فيس ميه ميه :seko:
خيييييير أولاً مايصلح ، ثانياً هههههه مااحنا شغالات يا الله نحكي عربي عشان تتكلم كذا :117:


خيارة فوشية ..
ههههههههههههههه عادي عادي يسوونها الناس فس سبيل إنهم يحسون بالكشخة
ماعقب / نو فيس ميه ميه :117:

لكل اللي مروا / :141:

ღ هـمسـة ضـجيـج ღ
13-11-2009, 04:07 AM
ريمااا ... موضوعك مررره توووحفه

انا قريت اول الردود ( يعني اول صحفه)

الاغلبيه قالوا انهم من بنات الانو وفجأه

بس اكيد تجيكم فترات ما تقولونها

انا اقولها واخواني يتتريقون علي

بس تجيني حالات ما استخدمها واقول كلمات مو من عادتي اقولها >> احس انو هذا تواضع (بس محد قد قالي متواضعه في حياتي كلها)

انا متأكده انو احيانا ما تقولونها

.....

انتوا مثلي ؟؟

أفنان الدريهم
13-11-2009, 04:37 AM
اي اي تذكرت سالفه مهبوووله :seko:
وحده نعرفها من اهل ابوي
انسااانه عربجيه .. مهويه بقواااا .. انسانه ما تتخيلون :seko:
اذا شافها الدلع مع طريق .. يهج الى طريق اخر :145:
بس لذيييذه تجنن ..
الله يحفظها ويخليها لعيالها :141:

تخيلوا كل ابو القبيله حقتنا تعرفها، حتى ابوي ههههههههههههههه
لسانها مررره طويل .. بس تحفه..
لدرجه من كثر ماهي مشهوره .. نسولف مع خالاتي عنها .. نطت مرت خالي .. قالت: ايييه فلانه :seko:
اعرفها ..
قد مره شفتها في السوق .. وحلفت انها فلانه .. مادريت الا جوالها داق .. كل ال فلان كلهم طنق طنق
>>> تخيلوااا بالسوووق .. وحاطه نغمتها هالشي :seko:

لااااا وايش .. مره مرت اخوها دقت عليها الصبح ... قالت .. فلاااانه :seko:
عندي حرامي ..
تقول ما دريت الا دقيقتين .. ويرن الجرس :seko:
والا هي .. خويتنا .. تقول افتحي الباب ..
تقول مرت اخوها يوم فتحت الباب ولاها داخله علي بالمكنسه .. :smilie (51):
تقول وينه .. وينه !!!
ههههههههههه

جد جد .. يختي توووحفه .. حتى لسااانها مره طويل .. بس كل يحبها ويموت عليها ..
تخيلي .. ممكن تصرخ عليك بالمجلس .. تقولك .. علااانه .. تعالي صبي القهوه كسار :145:

>> ابد ابد .. مستحيل القى احد مثلها :seko:
ياااا حبيلها :131:


هلا ومسهلا يختي تراي معك شريعة وبالإمام
يؤ .. صدق :141:

وجيت الثلاثاء واعتذرت عن هالترم ماشفتِ وحدة متنقبة تمشي
باللهي !! .. ريما .. احلفي :117:

حسانة
13-11-2009, 09:56 AM
هههههه ذكرتيني بزيارتي ل عدن قبل سنتين

كنا نتجهز لفرح في عدن و جات خالة امي الله يذكرها بالخير تقولي : فيسع فيسع ..عاد دورولي وقتها خخخخخخ فطست ضححك

احسبها دخلت تفجعني او تتونس

اتاريها تقول بسرعه بسرعه !! عجلي عجلي !! هع
هههههههههههه
أسمع الكلمة
ولكني أول مرة أقراءها هههههههه ضحكتيني

ريم بنت عبدالعزيز
13-11-2009, 10:09 AM
لأه !!
أمس أنا وخواتي نحكي في الدلع المصطنع :‘
من جد وعوووه
يازين أنو عند كيييفك ( بمد الياء وتفخيم الكاف الأولى وضم الفاء بطريقة مقززة) اذكر قبل كم شهر طحنا في كلمة كييفك من باب اننا نتطنز :/ >> قسمن لين سمعت وحدة تقولها حامت كبدي
ياناس مب كذا الدلع ليش تفهمون غلط , ودي أصرخ وأقول لهم هالشي :/
شوفي فيه كلمات تحسينها فطرة عند بعض الناس لكن عند البعض الاخر وعوووه قسمن انتحاااار

اما الراء حرام على اللي يتطنزون باللي يرققونه أو ييكون فيها شي ترا انا منم الناس اللي كنت أتأزم من تطنز الناس فيني :/
قسمن كنت اجلس عند المراية اتدرب اغير نقطي لين قدرت :/ كله عشان تطنز الناس :(((

أما الدلع عند وش سمه فبالعكس مرا مرا نايس |>>>> ترا مرا مرا نايس من ضمن الكلمات اللي ماسكينها انا وخواتي ع الدلع الماصل
بالعكس هو يبي هالشي واحيانا تراي تجيك وحدة شينة بس دلوعة تغطي ع زينة جفسة
بس طبعها الدلع اللي من خلقتها مب دلع مشتريته خخخخ

الاخت ريما حلو موضوعك .. بس بقول لك اني احس اني اعرفك مدري وين شايفتك >> نياهاها

عُــلا
13-11-2009, 01:11 PM
أعرف ناس من أجفس خلق الله لكن على أي شي / تنننن / تنزل الدمعة ..
حياك = )

:( أنا كذا أجي قوية شخصيتي لكن على أي شيء تنننن دمعتي يعني أحس ما أعجبني
الكل يقولوي ماتوقعناك كذا لمايعرفوني !!

فرَح
14-11-2009, 02:49 AM
بما إنوووو شْوفْتِ موضوعِك لي فترة موووو بسيطة و كتير كتير بسطني و حبيتووووه
لكن فجأأأأأه حسيت إنووو أنا ما بدي رد هلأ :117:


يمه تعبت :131: خخخخخخخخخخخخ

طبعا على قولة ريم هوه أنا شوفتك أو كلمتك أبل كدا :117: يا ريما


نرجع للدلع :131:
يقال أني دلوعة :117: لكن أصحح و أقول أنا حساسة :113:
غير كذا ممسوك علي أني أصغر أخواني و بنت أهلي الوحيدة يعني أكيد دلوعة و أنا بالنسبة لي أقول يفترض بما أني أخت رجال أكون أبو الجفاسة و عمها و خالها :131:
لكن سبحان الله البنت بنت و لو قطوها بحلبة مصارعة :seko:
نرجع للمواقف

بنت اخوي "ريناد" من جت ع الدنيا و ولد خالتي اللي أكبر منها بـ مممم 4 سنوات يقول هذي زوجة المستقبل :|
المهم كبرت رنودي و يوم صار عمرها 4 سنوات الولد هون
و كنت ذات مرة مـعـه بالسيارة جالس جنبي قلت له ما اشتقت لرنوده :131: < أحب أجننه
قام يضرب بأمه ليه تعلمينهم :117: ( يعني أنه يحبها يقال هع ) < يختي عيال هالأيام عقولهم كأنهم مراهقين ::seko:
بعدين قال أنا ما أبغاها أصلا
ليه عاد يا حمود قال بنتكم دلووووووعة وعععععع عليها :117:
قلت له يا زين الدلع و الله
قال لي لا يععععع تقول مامي بابي آآآآآي و تتكلم بالكاف :117:
طبعا بنيتنا أهلها نجديين وش نسوي فيها و أمها هيك معلمتها و الا اخوها أبو الجفاسة و هو ما كمل سنتين وع عليه ينرفزني أكبر مثل للأولاد صراحتن هع كل شي بوجهه يضربه أو يرميه و يشوت بالكور تحبينه جيبي له كره هع

مممممم
أنا أبد ما أحب الدلع الماصل على قول ريما :117:
هذاك اليوم بالقامعة واقفين أنا و البناات الا ينفتح الباب و تدخل وحدة أبو الخكارة و تجي وحدة تركض تقول
ياااا رررررربي مو مصدأة أموووووواه أمووووواه و تحضنها و تقول كييييفك مووووشتاقه كتييييررررر و بعدين قاموا يتكلمون و سمعنا الإنوووو و الفجأأأأأأة
أنا طارت عيوني وععع وععععع و عووووه استغفر الله العظيم ماصخين من الدرجة الألف



و أمثال هالبنات شوفيهم بالأسواق و برا السعودية
يعني كثير بنات يسولفون لنا عن بنات معنا بالجامعة يشوفونهم بالبحرين أو دبي و يشوفون حركاتهم اللي رايحة فيها


طبعا بما أني من كلية العلوم الإدارية من اقول اني منها على طول ينرد علي اوووووووو انتووووا دللللع عبايات كتف و نظارات شمسية بللله عليكم مي شلون تجلسون فيها بالقاعة و هي اصلا مطفية أنوارها :seko:
أنا عاد ما ألبسها بالقاعة و غير كذا تقول لالالالا و تجون كانكم صاحين من النوم و أرواج ألوانها فااااقعه و شعركم مرفوع كامل و كيرلي وع عليكم أصلا لو نروح الكافتيريا نعرف بنات كليتكم على طول من أشكالهم :seko:
طبعا ليه يحكمون علينا كذا لأن كليتنا مو مجانية و مو أي أحد يدخلها و إدارتها قوية شوي و تحسين مستقلة عن أي شي ثاني و مبنانا لوحدة و كافتيريتنا لوحدها و عندي كوفي شوب بعد فخلاص صفة الدلع لازقة فينا :seko:



بالنسبة للشسمه أنت عاد يا ريما دلووعة دلع أصلي يا لبى صوتك :141:
طبعا أنا أحس أحس أن دلع المرة على الشسمه مو بالكلام و المياعة يعني بأشياءات ثانية و لها هدف بالحياة
عاد هالسمات احس يحبون يعلقون و يمسكون كلمات عليك و كذا
طبعا أنا ما عندي شسمه < لا تفهمون غلط
بس أشوف أخواني و زوجاتهم و هيك :131:


مممم إذا حصلت شي يخص هالسالفة رجعت :117:


ريمااا استمتعي بقراءة السوالف ترى مفيدة للصحة :141:

رَوْح
14-11-2009, 05:55 AM
رجعت (:

الخميس كنا عند ناس دلعهم يا ناس وع وع وع .. يعني نشأتها وكلش كلش بالدلم .. بالله ـي شلون يركب عليها الدلع مدري :/
يعني يتكلمون بـ الـ "كِ" كيف حالكـ "ـي" .. وش أخباركـ "ـي" ...
ما يقولون إنو ولا فجأة ويا ليتهم يقولونها بدل كلامهم الماصخ ..

لا وأكره ما عندي وحده تتكلم وتحرك يدها بدلع .. فيه ناس لا طبيعي دايم يحركون يدينهم هذي عادي بس اللي يدلعون بها ويفركون بأصابعهم ويشيلون خصلهم من على وجيههم وأساساً من يبدون يتكلمون وجسمهم يرتج علشان تطيح الخصل ويرفعونها بحركة دلوعية .. هذي أتوقع لو قدام الـ شسمه بيشوتها شوته تنسى الدلع بعدها ..

ذاك اليوم على العشاء جالسة جنب أختي وكلما سووا حركة دلوعية أقبصها من ورا من الحرّه اللي بقلبي :seko: وهي تقول آي .. وبعد كل حركة قبصة أطلع حرتي :seko:
عاد اليوم قايمه وفيني النوم وشفت منال تقلد عليهم < باستهبال بس تسوي نفسها جديّه إنها خذت من حركاتهم وتهاوشت معها :131: يكفي حومة الكبد أمس :/


المهم شسمه ودي نطلع من هالموضوع بفايده نكتب منشورات عن الدلع الماصخ وتوزع في الكليات والجامعات والمدارس وفي الاجتماعات ..

~ اشراقه ~
14-11-2009, 09:08 AM
موضوع مرا حلو

انا زي ماقالت خيوره شوي جفسه بس دمعتي دائما بالاستعداد تقدرون تفسرونها باني حساسه :148:

وباني انا الوحيده دائما اسمع كلمة يوووه اجل انتي دلوعه
اذا قلت انا الوحيده بين اخواني

صرت أكره هالكلمه :smilie (5):


بنت عمتي مرا مرا ماصلهعلى قولتكم
الكلمات الي طايحين عليها بالمسن
--تيب . برب . اوك . عاتي--
تقولها عفوي :smilie (61):احيانا ما افهم عليها مع انهاعجووز مخلصه الثانوي
اذا تكلمت شوي والا :smilie (67):
ذاك اليوم راكبه معنا في السياره وتكلم امها تيب ياماما انا في الكار اذا نزلت اكلمك:smilie (60): يعني بس هي الي تعرف انجليزي .! عاد بنت خالتي سويره تحب تتشمت فيها استغفرالله العظيم
اذا جت تقلدها تااآيب :smilie (4):>>> نفسي اسجل لكم صوتها عشان صدق تضحكون


انا من الناس الي يقولون انو بس فجأه ما فهمتها
بس عاديه انو وما احسها للدلع وبعد مو دايم اقولها :smilie (101):


موضوعك حلو ريما :120:

دفء البحر
14-11-2009, 03:52 PM
:smilie (77):

عُدت

*
*

عندي سؤال ليه تشوفون إنو وفجأة دلع؟ <<توها تستوعب الموضوع :seko:

إشراقة فجر
14-11-2009, 05:54 PM
ضحكت على الـ (شسمه) حسيته رداً على (هيش وياولد) :112:

إستثنائيه !
14-11-2009, 06:07 PM
:smilie:
كيف عرفتي ؟ هل تعرفي الكلام العدني؟

هلآ حسونتي [ http://vb.eqla3.com/images/smilies/004.gif ]

ما بعرفش واللهي بس توقعتك من بتوع الحجآز http://vb.eqla3.com/images/smilies/biggrin.gif



على طاري الدلع .. أول ما طلعت موضة الكاف..

وحدة تقول بنت إختي يوم توها صغيرة يمكن بثاني ابتدائي..

جات عندنا تقول

خالتي عندكم بقدونك...!!

خخخخخ


Girls وشفيهم بتوعين الكآف ..
طيب وإللي منذو الآزل وهم يتكلمون فيهhttp://vb.eqla3.com/images/smilies/139.gif

ديـــــــم
14-11-2009, 06:40 PM
^^

ههههههه

ما فيهم شي .. بس البنت الآنفة الذكر ما تدري وش السالفة تحسب كل سين تقلب كاف..!!

>> بعدين كل العالم يحكون بالكاف .. بس عني مرة س ومرة ك.. ومرة تس..!!>> ما شاء الله علي ..!!:117:

ائتلاف
14-11-2009, 07:02 PM
.

على طاري الكاف حقتنا والسين حقتكم هع

عندي وحدة من صديقاتي من الطايف تقول ( كيف حالكي ؟ أخباركي ؟ اسمعي راح أقول لكي )

يعني عادي يا جماعة :mrgreen:

.

أفنان الدريهم
14-11-2009, 08:04 PM
^
اصلا هي الصح .. انو تكسر كاف الخطاب مع الانثى :117: >> طسي مناك :131:

عاد على سالفة السين والكاف الي علقتوا عليها ..
اختي حصوص منهبله .. صايره تتكلم كلام مدري وش يبي مب بالسين بس ..
يعني اذا جت تقول كيفك >> كيفك يعني براحتك موب ذيك حقت الاخبار :seko:
تخيلوا تقول تسيفتس
واذا عصبت تقول انتزلعي >> يعني انقلعي :seko:
وثادز >> يعني ثادق
بس لا يفوتكم بس .. ذاك اليوم خذت علقة ساخنة من ابوي على طريقة كلامها :145:

عُــلا
14-11-2009, 10:22 PM
^^

فطسسسسست من الضحك فنووونة << تصدقين أعجبتني :117:

إشراقة فجر
15-11-2009, 12:18 AM
على طاري الكاف والسين..

أختي الصغيرة إذا قالها أحد شلونك تقول لاااا لا تقولين شلونك قولي شلونتس <<قصمنجية بقوة حبي لها..

إلا بنات ماتحسون بانفصام مع كبار السن ؟ أحيانا فيه كلمات مدري وشي وأفهي معهم ..

ღ هـمسـة ضـجيـج ღ
15-11-2009, 02:28 AM
إلا بنات ماتحسون بانفصام مع كبار السن ؟ أحيانا فيه كلمات مدري وشي وأفهي معهم ..

على طاري الكبار

احس انو لازم نسوي لهم قاموس ..

من جد اواجه مشكله مع جداني وجداتي اذا جينا نزورهم بالعطله

من يبدون يتكلمون وانا مدري وش يقولون ... احاول اربط خيط بخيط

بس اللي يخفف الموقف انو السمع عندهم شوي ضعيف

يعني اللي حولي يترجمون لي خخخخخخخخخخ

Anfal Ahmed
15-11-2009, 11:41 AM
رِيمَـــا :
حَيَّ الله هَالطَلَّة :قلب:

.. وع ما أحبهم الدلخات الدلوعات أحسهم
يلبسون ثوب ما لهم : أذكر لما كِنَّا نخطب لـ أخوي
كان يكره إن تكون وحدة دلوعة وأهم شيء كان عنده بعد
الدين والأخلاق طبعاً ..

وبعدها أستغرب ليش ما تتصرفي على طبيعتك يا أنتِ ؟

أفنان الدريهم
15-11-2009, 01:49 PM
إلا بنات ماتحسون بانفصام مع كبار السن ؟ أحيانا فيه كلمات مدري وشي وأفهي معهم ..
انا اذا جيت اكلم جدتي موضي .. يصير كلامي مثلها :seko:
يعني اقول .. تبين لبينه >> يعني لبن :117:
والا اقول مثلا .. معد ورى يا اميمتي :seko:
>>> عاد اهلي يموتون من الضحك هع

@ريميه@
15-11-2009, 02:31 PM
عااد انا احب الجدات الله يخليلكم جداااتكم

انا جداتي كلهم متوفياات الله يرحمهم



احب اسوولف مع الجدااات

البسمة الفضية
15-11-2009, 03:23 PM
ههههههههههههههه فنو ذكرتني حصوص اختكِ :131:
اليوم بحصة العربي قامت وحده قصيميه والاستاذه ما تحب احد يتكلم باللغه العاميه بحصة العربي تقول تكلمن باللغة العربيه في حصتها اما الباقي فـ بهواكن < يا عيني عاللغه هع :117: > اهم شي خيارا لا تقرا :145:
المهم قامت بنت قصيميه تقول مثل قصيمي قالت لها الاستاذه لا اذا موب لغه عربيه فصحى لاا
المهم قعدت تترجاها وقالته .
المثل : وتز بمخباك قبل ... > نسيت الباقي (القصيميات واجب لهن يكملونه) .
وتز يعني طلي او ويقي او شوفي او اللي تفهمونه :117:

فيه بنت باولى متوسط مررره مااايعه وانا بنت نظام فعاد دايم تمشي بمغنجه وتتكلم بدلللع آوب طبيعي .
عاد اليوم هزأتها ما قدرت اشوفها كذا ولا اهزأها :131:
قلت لها : وش تحسين فيه الحين انتِ ؟
امشي زي الناس لا تمشين كذا ولا تعالي اكتبي مخالفه بسرعه .
انتِ جايه مدرسة تحفيظ مو عشان تتدلعين تبين تتدلعين روحي لمدرسة اهليه يدلعونك على كيفك .
لا تصيرين دفشه لا مو حلو ولا تصيرين دلوعه .
ولا بكرا تعالي معنا حنا يا بنات النظام ونظفي الساحه الخارجيه تعالي خففي عنا الشغل > استهبل عليها :131:
هي ارتاعت قالت لا لا خلاص بامشي زين
قلت لها ايه وتكلمي زين
قالت : ان شاء الله "بدون دلع"
هع يختي حووومت تسبدي .

دفء البحر
15-11-2009, 04:19 PM
^
^
ههههههه

:seko:

أنشودة التفاؤل
15-11-2009, 05:01 PM
ريما تراني ما أقول انو ولا فجأه .. وتعرفين رقمي الظاهر << سمعت طاري خطبه :131:
* بنات اللي ودها تفهم غلط تعلمني لاأمزح عندها مره ثانيه

وحده من خواتي طايحه لنا في كلمة (مو ) بين كل كلمه وكلمه تقولها .. وهي توصف مثلا لون الفستان مو أبيض ومو احمر ما ادري كيف جاي << :smilie (67):
يععع ياشين التصنع ,, عاد انا وأخوي مانقصر في التطنز :smilie (4):




على طاري الدلع .. أول ما طلعت موضة الكاف..

وحدة تقول بنت إختي يوم توها صغيرة يمكن بثاني ابتدائي..

جات عندنا تقول

خالتي عندكم بقدونك...!!

خخخخخ

هههههههههههههههه اختي يومها صغيره سمعتنا نقول بقدونس قالت حتى أنا أبي بقدوني :145:



مع انهاعجووز مخلصه الثانوي
:smilie: وش قصدك يعني ؟؟!! اذا هي عجوز فأنت بزر << هالشخصه عندها عقدة الكبر من يوم خلصت الثانوي :smilie (5):

إستثنائيه !
15-11-2009, 09:26 PM
.

على طاري الكاف حقتنا والسين حقتكم هع

عندي وحدة من صديقاتي من الطايف تقول ( كيف حالكي ؟ أخباركي ؟ اسمعي راح أقول لكي )

يعني عادي يا جماعة :mrgreen:

.

ائتلاف يـ آخت العرب كآني آشم رآيحة تتطنز في حديثك http://forum.upkelk.com/images/smilies/no.gif

نور النهى
15-11-2009, 10:40 PM
على سالفة ماما وبابا

أنا أقول [ بابا ] وإذا قلتها عند حريم كبار أخذوا يرمقونني بنظرآت غريبه ويقولون : هذا كبرك وتقولين بابا
خلاص تعودت ما أقدر أغير وأبوي مستاااانس عليه

في نفس الوقت ضميري يأنبني لأني ما أقول ماما :/ أقول : يمـه !

ريمآ
أجل أنا دلوعه ( سيكو )
وحدة أنا وياها هواش من كم يوم تقول إنتي دلوعه خخخخ قلت قسم لا :seko:



ياحلووووكم يابنات :141:

عناقْ
16-11-2009, 07:45 PM
أخوي مُبتعث ويدرس برا ما أبغى أبهذلك معه والا كان خطبتك


ع‘ـآيشين برآ آصــلآُ ~ ومتع‘ـوٍوٍدييين .. << مآآآفي بآلغ‘ـصب ..

آلاء هاشم
17-11-2009, 04:29 AM
رجعت ^^

بس كمان استحيت وما سألت أخواني! :131:

بس بقول إنو شسمو؛
شغالتنا من النوع إللي مرة يتأثر بكلامنا، فـ حتى هي تقول إنو وفجأة :seko:

وترا ماما وبابا عادية ومو حق ناس مدلعين! :smilie (3):"فجأة" تبغوني أنا الحجازية أقول : يمه! =$ أنواع إللي حينادوني "وضحى" :seko: مع إنو تصدقواتعجبني يمه! :141: أحس فيها شي قوي وكبير <يمديكم ع الوصف :131:



و..ريما؛
لاحظتْ إنو الموضوع صار "فش خلئ" :145:
يختي عشان صاحبته مريحة فكلنا ارتحنا وبسطنا عفشنا =)

نور النهى
17-11-2009, 01:15 PM
وحده من خواتي طايحه لنا في كلمة (مو ) بين كل كلمه وكلمه تقولها .. وهي توصف مثلا لون الفستان مو أبيض ومو احمر ما ادري كيف جاي <<


أخوي يقول مو :seko:

ح‘ـجَـآزيـہْ !
17-11-2009, 06:26 PM
مو شــرط أإنو أإللي تقوول :.. ( أإنـــو ) دلوووعهـ

أإحنـــأإ في مكـــهـ عندنــأإ وفي أإلــحجــأإز عــأإمــهـ نقوول ( أإنــو) ونقوول (بـأإبـأإ) ونقوول ( مــأإمـأإ)..

وحتى (مــو) نقوولــهـأإ

\

وحتى أإلشبـأإب أإللي عندنــأإ يقولوأإ ( أإنــو)

وأإحنــأإ عــأإمـهـ كلامنـأإ نضييف وأإو في النهـأإيـهـ بدال الهـأإء

يعني مثــلاأإ ..:( صورتو _ توقيعو_ وو...الخ)

\

وشي ت|ــأإني

عندنــأإ البنـأإت يقولو (مـأإمـأإ وبـأإبـأإ )

أإمـأإ أإلأإولـأإد عندنـأإ يقولو ( أإمــي وأإبوويـأإ )

وصـرأإحـهـ.\~

مررأإ مـأإ أتخييل نفسي أإقوول :..( يمــهـ )

^^

\

يعني مو كل النـأإس يتفقـوأإ على لهــجهـ

كل وأإحــد لو لهـجـهـ خـأإصـهـ..

موو..؟



وبس

هـذأإ اللي عندي

وسووري ع أإلأطـأإلـهـ

^^


أإختــكمـ:ـ
בـج‘ــأإزيــہ وأإفتـِـِخر

سمـــا ~
18-11-2009, 12:57 AM
يممممه منكم كل شئ عندكم حركات دلع ومصاله
شكيت بعمري قسمن
عاد خلقه مااحب حركات الدلع والتصنع
صديقاتي دائما يطنزون علي لأني اكرر كلمه [مره]
< ترى اقولها عادي بدون دلع ولا ترقيق ولاتفخيم ولاشئ < خافت :seko:

أنثى الكتاب
19-11-2009, 12:36 PM
تذكرت أبلتنآ التآريخ ,

مرة شآفتني سويت حركة كنت معصببة مرة وقمت بقوة وخطفت مقلمة صديقتي , هي طآرت عيونهآ , قآلت أثركـ دفشة << مآ توقعتني كذآ , مدري ليش ؟!!



كنت بقولك ماعليك منها , :145:
المعلمات ما يعرفون شخصيات البنات , إلا إذا كانت مثقفة جداً , طبعا بتكون ماتحكم على البنت من شي واحد , أو شي تكون معتاده تشوفه فيها ..
و يمكن مع الوقت و معاشرة البنت بتعرف شخصيتها صح , لكن الباقي اللي يقولون لك شخصيتك تراهم ناس عاديين مايعرفون بعلم النفس أو الفراسه :seko:.


أي \\

وكنت بقول , أني[[ فجججججأآآه ]] >> أحس تصنع الكلمات و تفخيمها غباء الله لا يبلانا ..
صرت أدقق املائي و نحوي في كلامي , و اكتشفت اني ما أقول أنو ناااادر أقول إنَّ مثل ماتنطق بالفصحى لكن الهمزة و شدتها مخففه .



الحمد لله على نعمة الكلام : )

سوالفكم هنا حلوه الله لا يحرمكم أجر ادخال السرور على قلوب المسلمين :120:

أنثى الكتاب
19-11-2009, 12:52 PM
:smilie (77):

عُدت

*
*

عندي سؤال ليه تشوفون إنو وفجأة دلع؟ <<توها تستوعب الموضوع :seko:




هههههههههههههههههههه دفء ياحليلك

لأن الغالبيه العظمى والتي وصفت فرح بعضا من مشاهدها و طريقة كلامها في كل مكان تتمحور قوووة تصنعها في الغباء عند نطق الأنو و الفجججججأآآآآ ه .

ائتلاف
28-11-2009, 08:38 PM
.





ائتلاف يـ آخت العرب كآني آشم رآيحة تتطنز في حديثك http://forum.upkelk.com/images/smilies/no.gif

حاشا لله يا اخت العرب أن يكون قصدي مثل ماذكرتِ :mrgreen:

يسعدلي قلبك بهولة :108:

.

للعلا
29-11-2009, 05:22 AM
مشكلتنا المظاااااهر ذبحتنا حتى بكلامنا

تصنع للدلع وكلمات ترفع الضغغغغغط وكل ما طلعت كلمة وراها مع الخيل يا شقرا

الوحدة من هذولا لو صار بينها وبين أحد مشكلة أو مشادة تعالي شوفي الحالة يصير الدلع في خبر كااااان ويطلع المستخبي ويصير الولد أرحم منها

مظااااهر يا ناس مظااااهر

تخيلو في الثانوية كان عندنا نشاط وكانوا كل بنات المدرسة جالسين
والمشرفة على النشاط تتكلم بالسين عادي

يوم قالت كلمة بالسين قالوا البنات البايخات بصوت واحد سسسسسسس يتريقون عليها

ارتفع ضغطي وقلت في نفسي صيروا ربعها وبعدين تعالوا تكلموا لو بالصاد إن شاء الله /:

شكراً ع الموضوع ريما

فرَح
30-11-2009, 01:38 AM
كل مرة أرجع و أقرأ في الردود


تسلمين لنا ريما و اشتقنا لك يا دوبه :141: