المساعد الشخصي الرقمي

مشاهدة النسخة كاملة : تجارب .. وخبرات .. في تنظيف السيراميك ..



شموووع
23-10-2009, 01:08 AM
بسم الله

اهلين بنات :smilie (98):..

سلام الله عليكن ..

يالله سوا بهالموضوع نخلي بيوتنا تلق .. تلالى .. تلامع .. تبررررق ههههههه

أبغى الكل يحضر هنا ..

كل وحده تكتب لنا تجاربها يعني طريقتها في تنظيف أرضية بيتها سواء ((سيراميك أو رخام ))..

أبغى أساليب تعطي نتايج قويــة .. مبــهرة .. >> متعوب عليها هالعباره :145:

وممكن نذكر منظفات ارتحنا لها ..

أنتظر ردودكن يالنشميااات :smilie (80):


,,,,

منيرة
23-10-2009, 02:01 AM
أرضيتنا سيراميك ونستخدم العملاق الأخضر للتنظيف .. بس ريحته نفاذة وما يحبونه اخواني ..
جربنا منظف معطر نسيت اسمه ريحة بس تنظيف مو تمام ..
: )

كتاد
23-10-2009, 07:25 AM
أنا استخدم الجيل الأخضر لتنظيف دورات المياه اعزكم الله

أما بالنسبة لأرضيات البيت ( السيراميك ) استخدم داك

يسلمو على الموضوع المفيد .. يعطيك العافية يارب (=

شموووع
23-10-2009, 02:44 PM
منو .. كتاد .. يعطيكم العافية مروركم شرف : )

فعلا داك باليمون حلو بس ماقلتولي الطريقة يعني (( مراحل تنظيف السيراميك ))..

ابغى الطريقة بكل تفاصيلها : )

يالله خلونا نستفيد من بعض ( قلب )

,,,

موجة صدق
23-10-2009, 02:58 PM
مرحبا شموع ^

احنا بيتنا سراميك ^
وكل من قلت له طريقتنا يستغرب :/

أول شئ انظف البيت من كل شئ .. واغسل المغاسل .. ثم امسح الطاولات والكنبات لأنو الكنب حقنا فيه جلد فلازمن مسح ..
بعد كذا أشغل المكنسة الكهربائية وأبدأ اكنس كل شئ
السراميك .. والموكيت(الفرشه) وطبعا الفرشات الصغيرة اللي عند الأبواب وبالممرات اكنسها ثم اطويها حتى أمسح اللي تحتها

أكنس البيت من أوله لآخر غرفه فيه ..

بعدين أجيب فوطه(مناشف) مخصصتها للأرضيات .
وأحط فيها مويه وشوي ديتول مخفف بالماء
واحط الفوطه (المنشفه) بمساحة المويه
الفها بترتيب
ثم أمسح البيت كله
ولو احتجت أغسلها مثلا لو كان غبار اغسلها بالماء وارجع احط ديتول وارجع امسح


اذا خلصت
جيت فوطه ثانيه وحطيت فيها مويه + مسك >مااعرف شسمه بس لونه شفاف نشتريه من مكة
احط نقطتين
وامر ع البيت ثاني مرا

اهلي مايحبون المنظفات ولا الروائع العطريه النفاذه
ومايحبون البيت تكون مثل المستشفى:/ ع قولتهم
فأستخدم هذي الطريقه ^^

تطلع رائحتها حلوة .
والمكنسه تشيل الشعر والخيوط وووو لأنو ماأمسح كل يوم >ماعندنا أطفال ولا حوسه ^

فتسهل على المكنسه المسح : )



شموعا : شكرا لأنك تخليننا نشاركم أشغالنا ^

إشراقة فجر
23-10-2009, 06:26 PM
إحم..

ما أذكر مسحت بيتنا إلا مرة يوم سافرت شغالتنا.. وأمسح بس بموية..

أكنس البيت ثم أرجع أمسحه بموية وألياف خاصة في مسح السيراميك..

غرفتي هي الي دايم أمسحها.. ونفس الشي موية.. وإذا خلصت أبخر الغرفة..

السيراميك إذا صار خلقة يلمع ليه تدورون ملمعات؟ هل يبهت يعني مع الوقت ولا أيش؟

مفكرة
24-10-2009, 12:47 AM
أهلا شموووع
عودا حميدا.. فاقدينك (:

عاد أنا أروق بالتنظيف أحسن من الطبخ :مبروك:

طريقتنا مثل ما قالت موجة.. أول شيء نكنس السيراميك بالمكنسة الكهربائية..

و بعدين يمسح بموية و مطهر أرضيات بالمساحة هذيك اللي تغطسينها بالجالون الخاص... << أحس إنه شيء بدائي دايم أقول لأمي نبي شيء عملي أكثر..

و أحيانا نغسل السيراميك مثل ما نغسل الحوش :smilie (4):

و بعض الأماكن مثل الصالة و الممرات نجليها مرة في السنة أو كل ما حسينا إنه بحاجة
نحط ماء + ديكسن و نغسلها << علشان ترجع الترويبة للونها الفاتح.. لأنها تصير غامقة مع عوامل التعرية و التجوية هع


:smilie (80):

موجة صدق
24-10-2009, 01:20 AM
^ احنا نغسل البيت كله من السطح يمكن 5 مرات بالسنه حسب الموسم ..
ومره بالسنه مع الجدران والأبواب وووو > يعني غسل كامل للبيت ..

بس ماقد سوينا جلي للسراميك ^
شكلي بقول لأهلي نجلي : )


أما المساحه الخاصه بالسراميك اللي فيها خيوط:" جتني عقده منها أول ماحطينا سراميك>ماتحب الحوسه
وع طول بالشاااااااارع قطيتها :/
ماحبيت السطل حقها ولا سالفه الغطس :/

طريقتنا بالمناشف حلوة لآنو نحطها بالغساله الأتوماتيكية ويغسلون مرتين ^ ويطلعون كنهم جدد : )

>> تحمست لأنو أحب المسح أكثر من المطبخ>مع انو عندنا غساله مواعين بس ماش ماحبيته للحين :117:

شموووع
24-10-2009, 05:13 PM
وه ياقلبي عالنشميات ^^

راجعة لكم حبيباتي ( قلب يحبكم حييييييل )

: )

ابتهال أم سليمان
24-10-2009, 06:00 PM
تبغين الصراحه
انا انظفه بالفلاش
كل سنة مره وحده

ولا اروع

أفنان الدريهم
25-10-2009, 12:41 AM
وه شمووع :141:.. ياحبيلهم الي صاروا ستات بيوت :131:
ممم .. انا بيتي فرش .. فيمكن ما افيدكم هع

بس هذا الشي الي قالت موجه


"طريقتنا بالمناشف حلوة لآنو نحطها بالغساله الأتوماتيكية ويغسلون مرتين ^ ويطلعون كنهم جدد : )

صح ..صح ..
انا اغسل فوطي بالغساله .. اوتوماتيك .. وتطلع تجنن ونظاف وش حلوها
واذا ذاك اليوم كنت مستعجله ونزلتها للشغاله مدري وش تطلع :/
تطلع شهباء ويابسه :131: >> ترى صدق تصير يابسه مدري شلون هع

شموووع
25-10-2009, 05:38 PM
موجة صدق ..
ياحبيلك ردك برد كبدي حسيت فيه ناس تكرف مثلي :(((
طريقتك مره حلوه خلاص بعتمدها بس ببدل بداك ريحته مره حلوة .. بجرب وأرد لك ..
أما سالفة الشعر ساااااالفة انقرفت منه .. يوم وراى يوم أكنس ..!
ياحلو الفرش بس ..
الف شكر لتفاعلك موجتنا : )

اشراقة فجر ..
المويه بس ماتكفي اسألي شغالتكم وخبرينا :145:
ولمعة السراميك أحيانا المنظفات إذا مامسحتي السيراميك بمويه بعدها تبهت اللمعة ..!!
شكرا لك ..

مفكرة :141:

يحفظك ربي يالغالية ماتفقدين غالي أنا معاكم قلبا و.....قالبا إن شالله : )
طريقتك ذكرتني بتنظيف الحرم يعجبوني ودي اجيبهم عندي ع طوول خخخ
والجلي ماأتوقع أحتاجه كثير ..
يعطيك العافية حبوبتي ..

ابتهال ..
مشكوره اختي بس الفلاش يوووه أخاف منه ..
استبدليه بمنظف ( ميه وواحد ) << اسمه كذا لاتستغربين ههه
لونه برتقالي يجنن مثل فعالية الفلاش بس أخف ريحة منه أستخدمه لتنظيف دورة المياه أكرمكم الله ..

فنونه :141:
ياحراااام ياست البيت صاير همي هالتنظيف ..
بيت سيراميك وكل مكان فيه تحف وجو ياااساتر كل يوم غبار وست ع قولتك ماتحب الحوسة كمّلت::دايخ::
يازين الفرش بس .. بيت أهلي فرش وكنت مرتاااحة ..
أما تنظيف الفوط فعلا يجنن تنظيف الغسالة الأتماتيكية بعد كمليها بالمجفف تطلع جديده صدق ..
والفوط اليابسة هههه يبغالها ملين مع الشطف ..
يعطيك العافية فنونتي << كيفي ماراح أغيره : )


:smilie (98):

أقــــدار
25-10-2009, 10:04 PM
ماشاء الله أحب البنات السنعات :141: الله يكثر من أمثالكم ,

إحم بيتنا كمان فرش بس بما إن الموضوع لشموع برد كيفي << :141:
, والتنظيف أحبه :141: وأعجبتني طريقة موجة صدق أعتمديها << وأنتِ شدخلك : )

وإيوه كمان فيه شيء بغيت أقولكم عليه المنظفات اللي ريحتها قوية أنتبهوا منها
تسبب كتمة بعيد الشر عنكم وكمان تسبب إجهاض أحياناً ..



و : )

شموووع
26-10-2009, 08:29 PM
أقدار كيف وش دخلك رايك أبغاه .. الله لايحرمني منك :141:

شفتي كيف طلّعت البنات السنعات : )

يعطيك العافية مرورك أسعدني :32lo:

سنابل العطاء
29-10-2009, 05:44 AM
طريقتي في تنظيف السيراميكـ :

أكنسه في البدايه ثم أستخدم المناشف في المسح

أفضل بكثيييير من المساحه

أضيف مويه وديتول وشوي كلوركس وبعض الأحيانأضيف شوي داوني

أمسح البيت كله وإذا جف أكنسه مره ثانية بالمكنسه اليدويه الخاصه فيه

أشغل كل المكيفات وأبخر <<<<< كذا أحس بالنظافه

ونغسله كل 2-3 شهور بالنسبه للغسل نغسل البيت كله ماعندنا فرش إلا المقلط وبعيد

شموووع
01-11-2009, 03:51 AM
^^
يسعدلي هالوجه ..

فعلا سمعت ان تبخير السيراميك وهو فيه رطوبة شوي تثبت البخور أكثر ..
بس عن نفسي أحب الفواحات العطرية أكثر من البخور ..

وداوني حلوة ريحته خصوصا الأبيض ..
أحيانا نحتاج للكنس بعد المسح من شان قطع القطن الصغيرة حق المناشف ..

يعطيك العافية سنابل ..

,,,

~ ضي الدنــا ~
03-11-2009, 03:54 PM
يؤ الفلاش للسيراميك ( سيكو )

تروح لمعته من قوة الفلاش :/


عندي لكم طريقة توخر السواد اللي يطلع مع الوقت على فواصل السيراميك

ملح الليمون اللي يجي بعلبة مثل الباكنج باودر

اول شي مسحي المكان بالمويه بس ورشي اماكن السواد بملح الليمون وخليه ربع ساعة

بعدها تعالي افركي السواد وحتشوفيه رااااااح وصار يلمع كأنه توه مركب :]

أقــــدار
03-11-2009, 08:28 PM
^

ضيو ايوه كثير سمعت عنه يلمع وجربته في المواعين مره فظيع خاصة القدور
: ) , و اعرف وحده حطت ملح ليمون وطلع في بيتها زي البقع بيضاء
بس الحمدلله راحت , وماصار يلمع .. يعني هالشيء راجع لنفس
السيراميك ولا لنوعية ملح الليمون

روزلــين ~
03-11-2009, 11:44 PM
انا اظاهر خلقت عشان امسح السيراميك هههههههه

بس الحين يوم جت الشغاله من مدة ارتحت

حنا نمسح يوميا بالممسحه حقت السراميك وسطل فيه مويه وديتول ونغطس ونمسح

من فترة لفترة طويله يعني 7 8 اشهر ننظف الترويب بس لان السراميك بيروح فيها لو جت عليه بحاجه فظيعه من خلقت وهي عندنا

هو يجي في علبه خضراء كبيرة تقول امي انه إلي ينظف الجبس لانه مرة قوي لو خليتيه على الترويب دقايق يتفتت يعني حنا على طول نحطه وبعدها نجيب فرشه اسنان مخصصينها للترويب >> لاحظو الأداة فرشه اسنان هههههه < المهم وعلطول ندعك الترويب ونشطف بالمويه كذا مرة لانه قوي مايروح بسرعه يبله مرة سرعه وبس
ريحته مرة فضيعه وش الفلاش عندة قد مرة انكتمت منه بغى يغمى علي ذاك اليوم صرت زرقاء هههه

حنا الترويب مرتاحين لذا الشي يطلعه جديد كنهم مروبينه امس بجد

شكرا شمووووع :)

ريم بنت عبدالعزيز
04-11-2009, 12:02 AM
تقريب نفس موجة صدق ...
كنس بالكهربائية والمسح فوطة مش ممسحة

مفكرة وشو الديكسن هذا ين القاه؟
اللي اعرفه ان جلي البلاط او السيراميك يعدمه!

بعد الفلاش موب زين للسيراميك
يخربه ويطلع فيه ثقوب مدري وش اييميها إضافة لأنه قاتل >> متليعة منه هع

+ أم رؤى +
07-11-2009, 12:14 PM
طريقتي في تنظيف السراميك :
اول شيء أكنس البيت كله ثم أجيب ماء وصابون وكلور بس هذه الأيام عندي منظف جديد أسم ( مستر ما سل)
واكبه على السراميك ثم أجيب مكنسة وادعك في السراميك لحد ما أتاكد أن البقع زالت وأحاول أطلع الماء الزايد للبلكونة ثو أجيب موية نظيفة وأنظف المكان من آثار الصابون وبعدها أرش مطهر داك برائحة العود وأجيب مكنسة خيوط بس من النوع اللي خيوطها قصيرة جداً وأوزع المطهرفي كل مكان ثم أجيب منشفة وأمسح الموية الزايدة وأشغل المراوح حتى ينشف المكان وطبعاً ما أنسى البخور بعد هذه العملية الطويلة والمتعبة والتي تتكرر يومياً بعد خروج الأبناء للمدرسة .
وبالنسبة للمناشف أنا أغسلها دائماً بكلور وبعدين أخليها تنشف في الشمس علشان الروائح ما تبقى فيها .
وعندي سؤال لذوات الخبرة :
الدرج عندي رخام طبيعي لكن لاحظت عليه أنه بدأ يتشطب يعني فيه كسور بسيطة وما أدري أيش السبب وكمان فيه بقع بوية من آثار العمال ما قدرت أزيلها ومن كثر ما أمسح فيه وأجرب كل يوم منظف لا حظت أن اللون بدأ يبهت ..
سؤالي هل ممكن تتصلح الكسور اللي في البلاط لأني أخاف تزيد وتكون واضحة مع مرور الأيام .
وكمان أيش أستخدم لإزالة البقع منه .

شموووع
14-11-2009, 03:02 AM
ضي .. مشكوره خيتو بس لساي ع البقع السوداء ؛ )

روزلين .. أجل أكيد شغالتكم خبرة دامها تحت عينك : )
أرسليها لي فاكس هههههه
الشكر لك أختي ..

ريم .. أجل سنعة مثل موجة بسم الله عليها ..
وينهي مفكرة ترد لنا ..

أم رؤى .. يعطيك العافية والله يقويك الأطفال كلش مايصلح معاهم السراميك ..
بس أتوقع يوميا صعبة عليك ..
يووووه تخيلت نفسي مع المبزره شكلي بسوي مثلك : )
شكرا ألف لتواجدك ..